Timor Post (04/09/2020)- Minístru Administrasaun no Estatál Miguel Perreira de Carvalho hatete, kandidatu meritu ba Autoridade no Prezidente munisipiu ki’ik liu ema na’in (6) no boot ema (13).
“Kandidatu meritu ba autoridade no prezidente munisipiu kada munisipiu ne’e varias, ki’ik liu ema nain (6) barak liu to’o (13) iha munispiu tolu hanesan Lautem, Baukau no Vikeke, kandidatu mós hanesan ki’ik liu nain (6) barak liu nain (13)” Ministru informa ba jornalista sira iha Parlamentu Nasionál.
Governante adianta progresu ikus liu konklui ona data publikasaun ba lista privizoriu kandidatu ne’ebé admitidus hodi ba tuir provas eskrita.
“Data ba aplikasaun ne’e remata ona horisehik agora ministeriu administrasaun estatal sei fiksa fali lista final ba kadidatu admitidu no mós kandidatu exkluidu atu iha tempu hanesan mós determina data atu kandidatu admitidu sira atu mai tuir provas eskrita” subliña.
Atu hakotu Ministru deklara ba munispiu tolu ne’e mak agora daudaun munisipiu tolu ne’e mak naran kandidatu iha ona no atu tuir prosesu sira, tuir mai iha tempu badak sei realiza hotu ba munisipiu sira hotu iha timor laran tomak.(Jornalista: Jaime Pires)
628 total views, 3 views today
Bele hare Video Seluk :