ADVERTISEMENT

Estrada ba Kompetisaun Siklizmu Hodi Selebra Loron Konsulta Popular

Timor Post - Jeral
  • Share

Timor Post (28/08/2020)-Eventu ne’ebé sei halo hodi selebra loron Konsulta Popular ba-21 maka kompetisaun siklizmu ne’ebé sei realiza iha Sábadu (29/08) iha Dili.

Portavós Komandu Jerál Polísia Nasionál Timor-Leste, Superintendente Xefe Polísia, Arnaldo de Araújo, informa, Polísia sei asegura kompetisaun ne’e no sei taka temporariamente ba Estrada balu iha Dili laran.

“Rute korrida bisikleta primeiru hahú tuku 6:00 remata tuku 14:00, maka start hosi Palasiu Governu, liu hosi diresaun Helo Mister, Toko Hidayat, Kuartel Jerál PNTL nia oin, Ministériu Justisa, Kruzamentu RDTL, Igreija Katedral, Sang Surya, Ponte Maloa, Bairro-Pite, Kruzamentu Kakau-Lidun, Kruzamentu Fatumeta, Radio Falintil, Kruzamentu Ai-mutin, Bundaran Elemloi, Timor Plaza, Pertamina Mae da Grasa, Pertamina Pantai Kelapa, Embaixada Amérika, Embaixada Brazil, Ministériu Turizmu, Igreja Motaél, Palasiu Governu, Ponte BJ Habibie, Metiaut, Rezidénsia Abo Horta nian, Rotunda Hera, Fatu-ahi, Terminal Bekora, Mota Ulun, Aidak Biara, TVRI Fatuahi, Kamea Lenuk Hun, Rate Tali Laran, Bidau Masaur, Bidau Mota Klaran, Bidau Santana, Metiaut no ikus sei final iha Kristu Rei”, informa Superintendente Xefe Polísia, Arnaldo de Araújo ba jornalista iha kuartél PNTL Kaikoli, sesta,(28/08).

Arnaldo adianta eventu hanesan hosi oras tuku 8:00 dadersan to’o tuku 14:00 nia Rute maka hanesan, hahú hosi Benfika, Pateo, Otél Timor, Palasiu Governu, Helo Mister, Rotunda Merkadu Lama, Audian, Santa Cruz, Taman Makam Pahlawan, Igreja Balide, eis PM Balide, Matadoru, Katedral, Tugu Pramuka, Eis Bank Duta, Otél Claramension, Igreja Motaél, Portu Dili, Palasiu Governu, eis Hello Mister Parlamentu Nasionál no final iha Benfika.

Relasiona ho atividade hodi komemora loron istóriku ne’e Portavós PNTL husu ba kondutór Tránsporte Públiku atu bele hapara temporariu sirkulasaun Rute sira ne’ebé kompetidór siklista sira liu, tanba Polísia Sei Taka dalan Temporariu.

“Husu ba komunidade sira ne’ebé uza Transporte Públiku atu bele kompriende ba situasaun ida ne’e,” atuál Komandante Relasaun Públika Komandu Jerál PNTL, Superintendente Xefe Polísia Arnaldo hatete.

Kompetidór ba komemorasaun loron Konsulta Popular ba dala 21 ne’e hamutuk ema 200 to’o 300 tanba iha eventu siklizmu rua.(Jornalista: Jaime Pires)

 678 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Estrada ba Kompetisaun Siklizmu Hodi Selebra Lo…” A few seconds ago

Lee Mós :
Pe. Agustinho: Ohin Loron Halibur Hamutuk Hodi Reja Ba Matebian Sira

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No