ADVERTISEMENT

Planu Harii Uma Estadu Ba Deputadu Sedu Liu

Timor Post - Jeral
  • Share

Timor Post (24/08/2020- Dekanu Fakuldade Siénsia Polítika Públiku, Universidade Oriental Timor Oriental (UNITAL), Izaac Viegas Amaral, konsidera planu Prezidente Parlamentu Nasionál Aniceto Guterres harii uma ba estadu ba deputadu sira sedu liu tanba povu sidauk hetan moris di’ak.

“Ha’u hanoin sedu liu ita tama to’o ne’ebá tanba ita agora ita hare deputadu sira agora iha ona pensaun vitalisia, atu harii tan uma ba sira maibé povu nia moris ne’e sei kiak nafatin”, hateten akademista ba Timor Post iha nia knar fatin, Dili segunda (24/08).

Dosente ne’e hare katak polítiku-Nain balun hela uluk kedas iha parlamentu to’o agora tanba ne’e deskonfia ho edifísiu foun ne’e deputadu balu bela hela metin tiha.

” Ha’u hatene deputadu iha partidu balu períodu tolu haat mós sei nafatin ne’e atu aproveita buat balu, ha’u akademista la konkorda ba planu ne’e”, afirma Izaac Amaral.

Nia sujere, tuir loloos polítiku hare lai Prioridade ba povu atu moris di’ak, dada bee ba uma, eletrisidade, estrada ne’ebé sai nesesidade báziku povu nian la’o normal ona mak tama ba planu deputadu sira nian.

“Karik bele tinan 10 ba leten maka harii uma ba tanba estadu tenke ko’alia uluk bee moos, estrada, edukasaun ba povu” tenik tan.(Jornalista: Jaime Pires)

 590 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Planu Harii Uma Estadu Ba Deputadu Sedu Liu” A few seconds ago

Lee Mós :
Taur Orgullu Fila Fali ba PN Hafoin PR Dekreta Estadu Emerjénsia

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No