ADVERTISEMENT

Kazu Soe Bebé La’os De’it Feto nia Sala

Timor Post - Jeral
  • Share

Timor Post (18/08/2020)-Vise Prezidente Parlamentu Nasionál, Maria Angelina Sarmento, hatete kazu soe bebé ne’ebé kontinua akontese, sosiedade labele fó sala de’it ba iha feto.

“Ita presiza haree hosi kauza saida mak feton sira soe bebé, dala barak ita nia sosiedade sempre fó sala ba feto ne’ebé komete soe bebé, maibé ita la buka hatene hosi ema na’in rua hamutuk mak foin hetan bebé ida, entaun aman ida ninia responsabilidade iha ne’ebé, tanba saida mak sosiedade sempre fó sala ba feto, maibé lahatene feto nia problema saida mak nia komete soe bebé”, afirma Vise PPN ba jornalista sira hafoin partisipa iha Simpóziu Nasionál CEDAW Tinan 18 Implementasaun CEDAW iha Timor-Leste ne’ebé hala’o Iha Tower Fatu hada, Dili Tersa (18/08).

Deputada hatutan liután akontese soe bebé bele mós bebé ne’ebé feton ne’e hetan mai hosi kauza krime insestu, bebé nia hetan mai hosi Kauza violénsia seksuál, bebé nia hetan la mai hosi buat ne’ebé nia hakarak maibé nia laiha forsa fíziku forsa psikolojia no forsa ekonomia no nia dependénsia ba ema seluk mak obriga nia dala ruma nia monu ba sala hodi hetan bebé entaun sosiedade presiza buka hatene kauza sira hosi soe bebé ne’e antes halo konkluzaun hodi julga feto.

Parte seluk eis komisáriu CNE dehan presiza kuda ona edukasaun seksuál ba idade joven liuliu ba sira ne’ebé akontese mudansa ba iha sira nia fízika.

“Kuandu joven iha mudansa fízika hanesan feton sira tama ona idade produtivu fertil, iha ona menstruasaun inan aman presiza eduka hodi ko’alia ba sira katak, kuandu iha ona mudansa ba iha isin lolon hanesan ne’e katak o fertil o produtivu, o bele produs ser umanu ida, atu to’o iha ne’ebá saida mak atu halo para próteze an atu kualkér ema ida labele halo abuza ba o”, reafirma deputada ne’e.

Alende ne’e nia mós apela ba Inan no aman tenke nakloke ko’alia alerta ba oan sira, nune’e mós iha eskola liuliu iha dixiplina biolojia professors sira tenke esplika halo klaru kona ba konteúdu siénsia biolojia liuliu matéria saúde reprodusaun.

Vise PPN ne’e rekomenda ba parte hotu, katak ko’alia kona ba isin rua sedu la’ós de’it responsabilidade hosi igreja nian, maibé responsabilidade estadu, família, sosiedade sivíl inklui komponente hotu. Luta ba igualdade jéneru parte ida mós atu luta hapara joven feto isin rua sedu.(Jornalista Julio Salinas Soares)

 4,723 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Kazu Soe Bebé La’os De’it Feto nia …” A few seconds ago

Lee Mós :
KRAM Husu Lider GAM Orienta Membru Kria Pas no Estabilidade

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No