ADVERTISEMENT

Governu Selu Aviaun Citilink Rihun $149 Tula Timoroan husi Korea mai Dili

Timor Post - Jeral
  • Share

Timor Post (05/08/2020)- Governu Timor-Leste Liu hosi Sekretáriu Estadu Formasaun no Profisionál (SEFOPE) selu Citilink ho dolar rihun-149 hodi tula traballadór Korea fila mai Timor-Leste.
“Aviaun ita aluga hosi Indonézia ba to’o Korea no fila fali mai iha Timor ho montante $149 mill” dehan Sekretáriu Estadu SEFOPE, Alarico ba jornalista sira iha Aeroportu Nicolau Lobato, kuarta (05/08).

Governante adianta la’ós tula de’it traballadór iha Korea de’it maibé tula mós estudante balun hosi indonézia no mós Amérika balun.

“Sira ohin mai hosi Korea ne’e hamutuk 110, hosi Bali indonézia ema 39, Amérika 5 no mós Tailándia 3”, adianta Sekretáriu Estadu.

Funsionáriu antigu iha SEFOPE ne’e deskreve, Timoroan hosi Bali na’in ida estudante, nain 10 estudante SEFOPE ne’ebé ba estájiu iha Indonézia, hamutuk ho pasajeiru timoroan balun no mós pasiente balun ne’ebé mak ba halo tratamentu iha ne’ebá sira hamutuk nain 39, sira ne’e mak ohin mai hamutuk 149 pesoa hosi Korea mai la inklui ho mate isin Nain rua.

“Aviaun ne’e ita aluga atu tula mate isin no traballadór hosi Korea, maibé ita hanesan timor estudante sira ne’ebé mak iha ne’ebá mai ladi’ak entaun oportunidade ida ne’e ita tula mós ho sira hotu” tenik Nia.

Enkuantu, pasajeiru sira ne’ebé mak ohin mai ne’e, sei ba kuarentena hotu iha fatin ne’ebé mak governu prepara ona.
“Sira ne’e sei ba kuarentena hotu, fatin prepara hotu ona, sira ba kuarentena iha fatin mak hanesan, SKY Hotel, Novo Horizonte no mós Luz Clarita”, akresenta Governante.

Alende ne’e ba Kuarentena Hotel Novo Horizonte hamutuk 84, SKY Hotel 26 no Luz Clarita nain 14 inklui traballadór na’in ualu mai hosi Australia.

Enkuantu Traballadór Nain Ualu hosi Australia mai ho Aviaun Air Nort tun iha aeroportu tuku 11 oras dadeer antes Citilink.(Jornalista: Jaime Pires)

 935 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Selu Aviaun Citilink Rihun $149 Tula Ti…” A few seconds ago

Lee Mós :
Xanana Partisipa Investidura Kardeál Dom Virgílio iha Roma

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No