ADVERTISEMENT

Meja PN Naksobu, Membru Asembleia Konstituinte: Labele Haree Hanesan Material

Timor Post - Jeral
  • Share

DILI—Membru Asembleia Konstituinte no deputadu primeira lejizlatura ne’ebé hamaho aan iha Asosiasaun Antigu Deputadu Timor Leste (AADTL) segunda (27/7), hasoru malu ho Prezidente Asembleia Konstituinte atuál Prezidente da Repúblika, Francisco Guterres Lú Olo, kona ba meza ne’ebé harahun hosi kintu lejizlatura.

“Laiha sentimentu pesoál ida más ami mai fó hanoin ba prezidente repúblika labele haree meza ne’e hanesan material, maibé tenke haree iha valores istórika ne’ebé iha”, dehan portavós AADTL, Buras Martins ba jornalista hafoin fila hosi enkontru ho Xefe Estadu iha palásiu prezidénsia Bairru-Pité, segunda (27/7).

Buras hatutan, situasaun meza parlamentu rahun lori triste ba povu Timor-Leste tomak tanba iha meza ne’e nia leten mak membru ida-idak ba asina konstituisaun, maibé iha kintu legislature iha deferénsia hanoin halo meza ne’e rahun.

Tuir nia hare katak problema ne’e mosu tanba partidu polítika ne’ebé nomeia membru sira ba tuur iha parlamentu nasionál maka ladún kualidade hodi hamosu situasaun ne’e.

“Partidu ne’ebé haruka nia ema ba tuur maka la haree nia membru ho didi’ak”, subliña Buras.

Parte seluk nia akresenta iha enkontru refere AADTL hato’o mós ba Lu-Olu kona bá membru 88 balun ne’ebé mate ona atu husu xefe estadu konsidera membru ne’ebé sei moris hela.

“Asembleia konstituinte membru hamutuk 88, sanulu resin mate ona, entaun ami membru husi asembleia konstituinte ne’ebé uluk hakerek konstituisaun halibur an iha asosiasaun antigus deputadu mai ko’alia ho prezidente repúblika hanesan mós prezidente asembleia konstituinte kona bá ami sira ne’ebé sei moris”, dehan Buras.(yto)

 642 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Meja PN Naksobu, Membru Asembleia Konstituinte:…” A few seconds ago

Lee Mós :
Obras de reabilitação da estrada entre Manatuto e Baucau paradas

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No