Timor Post (24/07/2020)- Vise-Ministru Interior Antonio Armindo hatete, planu ministériu nian ba 2021 fó prioridade ba dezemvolvimentu infraestrutura ministériu nian.
“Tetu orsamentu ministériu nia seidauk maibé planu prioridade 2021 nia mak hare liu ba infraestrutura” Vice Ministru informa ba jornalista sira iha palasiu governu, sesta (24/07).
Vice Ministru hatutan orientasaun Primeiru Ministru no Ministru Interior Taur Matan Ruak, infraestrutura foka liu ba iha instituisaun PNTL Protesaun Sivíl, Bombeiru, inklui Ministériu Interior rasik.
“ba PNTL Ami mós sei ba liu halo servisu iha area fronteira nia hodi hare liu sira nia fatin no saida mak prepara iha ne’ebá tama kategoria infraestrutura hodi bele hadi’a di’ak liu tan” tenik Nia.
Prioridade seluk maka manutensaun ba karreta sira PNTL no pagamentu ba dívida sira PNTL no ministériu nian.
“Dívida PNTL nia tinan ne’e 2020 jatamente tenke selu ona tama iha orsamentu 2020, la’ós PNTL de’it maibé hotu-hotu iha ministériu hodi nune’e 2021 foka de’it ba infraestrutura” Nia hakotu.(Jornalista Jaime Pires)
954 total views, 3 views today
Oinsa Ita nia Reaksaun iha Notisia Nee?
Bele hare Video Seluk :
Sorry, there was a YouTube error.