ADVERTISEMENT

Investimentu iha Setór Edukasaun Ladún Adekuadu

Timor Post - Edukasaun
  • Share
Prezidente Komisaun G ne’ebé trata ba asuntu Edukasaun, Juventude, Kultura no Sidadania iha Parlamentu Nasionál, deputadu Antonio Verdial

Timor Post (20/07/2020)-Prezidente Komisaun G ne’ebé trata ba asuntu Edukasaun, Juventude, Kultura no Sidadania iha Parlamentu Nasionál, deputadu Antonio Verdial, preokupa dezafiu edukasaun atuál tanba  investimentu iha setór edukasaun durante tinan 18 ikus ladún adekuadu.

Iha uma fukun Parlamentu Nasionál Segunda, (20/07) liu hosi Plenáriu deputadu levanta katak hahú hosi sistema, fasilidade eskola no kualidade professor durante ne’e sedauk diak no presiza atensaun kontinua.

“Iha uma fukun ida ne’e atan ha’u atu ko’alia ba loos mai loos de’it katak dezafiu edukasaun atuál, hafoin tinan 18 nia laran ne’e ladún iha investimetu ida ne’ebe adekuadu ba edukasaun tanba eskola barak mak sei at , dala ruma fasilidade lubun mak la disponivel iha eskola sira, eskola barak sei enfrenta bee moos, kanalizasaun  bee mós ba eskola sira laiha, eskola balu sei falta hela kadeira ho meza,  labarik sira tuir prosesu aprendizajen tuur iha rai de’it, livru no materiatiku sira ladún favoravel, nune’e mós kualidade professor no profesora presiza formasaun iha kontinua nafatin”, levanta deputadu bankada parlamentár Khunto ne’e iha Plenáriu Segunda (20/07).

Relasiona ho krize pandemia Covid-19 ne’ebé afeta ona ba sistema edukativa, deputadu hatete  estudante lakon matéria, laiha preparasaun  di’ak ba ezame dahuluk no daruak,  seidauk iha serteza atu garante susesu iha ezame nasionál tanba ministériu edukasaun juventude no desportu sei konfronta hela ho preparativus atu reativa eskola sira.

Situasaun hirak ne’e halo Deputadu husu MEJD halo reforma ba jestaun edukasaun hodi prepara kondisaun rekursu umanu adekuadu ne’ebé bele fasilita reforma sistema edukasaun, bazeia ba implementasaun planu estratéjiku nasionál.(Jornalista Julio Salinas Soares)

 711 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Investimentu iha Setór Edukasaun Ladún Adekuadu” A few seconds ago

Lee Mós :
Timor Post Entrega Sertifikadu Apresiasaun ba Estudante UNTL Na’in-Lima

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No