ADVERTISEMENT

Demonstrasaun Kontra Ezbosu Kriminaliza Difamasaun, Ministru Cárceres: Lei Regula Ita Hotu

Timor Post - Jeral
  • Share

Timor Post (15/07/2020)- Ministru Justisa (MJ) Manuel Cárceres, la preokupa uitoan kona bá asaun sosiedade sivil atu mobiliza masa halo demonstrasaun kontra ezbosu lei kriminaliza difamasaun tanba la iha relasaun.

“Ne’e sira nia direitu, ne’ebé labele kahur buat ida ho buat seluk, ha’u mós labele ba husu sira imi tenke ba halo demonstrasaun no labele halo ne’e labele, ne’e ema nia direitu, ema nia hakarak halo ba, maibé lei regula ita hotu-hotu” Ministru realsa iha entrevista ho Jornalista sira iha Palasiu Governu (15/7).

Kona bá lei sibernétika ne’ebé públiku prefere, ministru hatán, sibernétika ne’e buat ketak ida ne’e kona-ba dadus.

Ezbosu ne’ebé elabora Ministru dehan la hamate liberdade espresaun no lei ne’e mós la defende governante polítiku sira, lei ne’e defende sidadaun.

Alende kriminaliza difamasaun Ministru informa ezbosu refere sei aprezenta hamutuk ho  aliterasaun kódigu sivíl, artigu 1474-1479 ne’ebé diskrimina hela  maluk sira musulmanu no protestante sira.

“Sira nia kazamentu ne’e la vale iha ita nia rai entaun artigu sira ne’e artigu diskriminativu entaun sira ne’e tenke alitera hotu” hatete Ministru.

Entertantu Ezbosu lei ne’e atu  Kódigu Penal (KP) liu hosi aumenta Artigu 187-A, 187-B, 187-D, 187-E, no 187-F  ho objetivu maka Kriminaliza difamasaun injuria ho pena prizaun tinan 1 to’o 3.(Jornalista: Jaime Pires)

 736 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Demonstrasaun Kontra Ezbosu Kriminaliza Difamas…” A few seconds ago

Lee Mós :
Habitantes de três municípios constroem casas nos arrozais

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No