ADVERTISEMENT

Eskola Sekundáriu St. Agostinho Bobonaru Seidauk Hetan Atensaun husi Governu

Timor Post - Bobonaro · Nasionál
  • Share

Timor Post (06/07/2020)-Deputada hosi Bankada CNRT, Maria Barreto ‘Boromali’, kestiona kondisaun eskola Sekundáriu Santo Agostinho Bobonaru ne’ebé hetan estragu hosi inundasaun iha  fulan Fevereiru 2020 seidauk halo manutensaun hosi ministériu edukasaun.

“Eskola ida ne’e  hetan estragu iha fulan Fevereiru 2020 hosi udan boot bee sobu baleta no  tama ho iha eskola laran halo eskola ne’e hetan estragus grave tebes, maibé parte edukasaun seidauk halo manutensaun,” Boromali kestiona iha plenária PN  segunda (06/07).

Reprezentante povu dehan daudaun ne’e eskola reativa ona atividade tuir prosesu aprendizajen maibé labarik estudante eskola refere sei hein hela tanba kondisaun eskola sei at hela.

Nia hatutan  edukasaun Munisípiu Bobonaru halo ona vizita  maibé seidauk  iha rezultadu ruma  atu resolve asuntu ida ne’e.

Iha parte seluk deputada Partidu CNRT ne’e kestiona mós kondisaun infraestrutura liuliu Munisípiu Bobonaru nian.

“Sé ita boot sira ba iha Bobonaru karik, iha Postu Maliana Villa, hosi Mercado ba iha Suku Raifú, Ritabou no tuun ba to’o iha Mau Mali iha ne’ebá ESTRADA ida ne’ebé halo konstrusaun maibé oras ne’e daudaun abandona hela”  kestiona Maria.

Lee Mós:
Seidauk iha Ema Mate tanba COVID-19, Moras Seluk Kontinua Oho Timoroan tanba Laiha Atensaun

Deputada lamenta  kuandu karreta ka motorizada ida liu halo rai rahun suar maka’as fó impaktu ba saúde komunidade sira ne’ebá tanba rai rahun tama hotu komunidade nia uma.

“Agora daudaun komunidade iha Raifu, Ritabou hetan moras respiratóriu (ISPA) maka’as liuliu ba labarik sira, ferik ho katuas iha sentru saúde no Postu saúde sira iha Bobonaru” subliña.

Lee Mós:
MAE Enkoraja Komunidade Manufahi ba Vasina

Deputada opozisaun ne’e husu ba governu liuliu Ministériu Obra Públiku atu fó hanoin ba kompañia obra konstrusaun hodi finaliza ninia servisu.(Jornalista Julio Salinas Soares)

 181 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Eskola Sekundáriu St. Agostinho Bobonaru Seidau…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: