Timor Post (26/06/2020)- Sekretáriu Estadu Antigu Kombatente Libertasaun Nasionál, Gil da Costa Monteiro “Oan Soru” hateten verifikasaun ba dadus veteranu sei kontinua fali iha 2021 tanba númeru boot la biban atu servisu.
“Orsamentu definitivu 2020 iha fulan Setembru foin aprezenta no halo diskusaun iha parlamentu no to’o iha prezidente repúblika durante fulan ida hodi nia estuda hodi promulga. Entaun automatikamente iha de’it fulan ida ho balun ka fulan rua hanesan tinan 2020 ne’e remata ona entaun ita labele halo buat ida. Tanba ne’e previzaun ministériu ninia ha’u ata hanesan sekretáriu estadu ho ministru ami ko’alia ona no define ona katak verifikasaun sei halo iha tinan 2021 ho orsamentu definitivu no servisu full iha tinan ida nia laran”, informa Oan Soru ba jornalista sira iha Ministériu Finansas, Ai tarak Laran, (26/06).
Veteranu mós relata dadus ne’ebé seidauk verifika iha segundu rejistu hamutuk 124,600 enkuantu verifikasaun ne’ebé halo iha tinan 2019 mós atinje de’it 14%, tanba ne’e servisu refere prefere de’it 2021.(Jornalista: Jaime Pires)
693 total views, 9 views today
Oinsa Ita nia Reaksaun iha Notisia Nee?
Bele hare Video Seluk :
1
/
1935
#GOVERNURONA - IMPLEMENTASAUN IX GOVERNU KONABA DESENTRALIZASAUN PODER LOKAL
PROBLEMA TORRE, DEFÍSIL KOMUNIKA LIU HOSI RÁDIU KOMUNIKASAUN
PN HUSU GOVERNU FASILITA UPM KONTROLU PESKA ILEGÁL
1
/
1935