ADVERTISEMENT

Konsellu Ministru Aprova Dekretu Lei Subsídiu 60% Traballadór Setór Privadu 

Timor Post - Ekonomia · Nasionál
  • Share

Timor Post (24/06/02/2020)- Konsellu Ministru (KM) Kuarta (24/06) aprova dekretu lei subsídiu 60% ba kompañia sira hodi selu traballadór iha períodu durante Estadu Emerjénsia (EE) ba covid-19.

“Konsellu Ministru hala’o soru mutu iha palasiu governu no aprova dekretu lei kona-ba aliterasaun dahuluk ba dekretu lei númeru 16/2020 loron 30 fulan Abríl nia kona-ba medida fó apoiu ba empregu iha ámbitu pandemia covid-19”, informa Ministru Prezidénsia Konsellu Ministru Fidelis Leite Magalhães ba jornalista sira, hafoin remata enkontru iha palasiu governu (24/06).

Fidelis akresenta “Kona ba empreza hirak mak atu sai benefisiáriu ba subsídiu 60% ne’e ba konfirma direita iha INSS (Institutu Nasionál Seguransa Sosiál) mak bele esplika klaru tanba INSS  mak hatene kona-ba ida ne’e.

“Iha previzaun ida ne’ebé mak hosi pakote ekonómiku aprezenta ne’e iha $14,900  milloes ital, ne’e ho estimativa ba benefisiáriu purvolta 30 mil benefisiáriu” subliña Governante.

Ministru Konsellu Ministru ne’e hakle’an  apoiu hirak ne’e sei aplika ba kontratu ba servisu hirak ne’ebé suspende hela ka redús tiha períodu normal servisu iha fulan Marsu Abríl Maiu no Juñu tinan 2020, no mós kontribuisaun sira referente ba fulan hirak ne’e rasik.

Ministru mós haktuir  iha fulan rua liu ba kuandu aprezenta pakote ekonómiku, konsellu ministru mós deside atu inklui indivíduu hirak ne’ebé seidauk rejista ka naran seidauk tama (INSS), maibé dekretu ne’e rasik bele fasilita hodi naran tama.(Jornalista: Jaime Pires)

 526 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Konsellu Ministru Aprova Dekretu Lei Subsídiu 6…” A few seconds ago

Lee Mós:
Alfândega no SEMA Uza Ona Sistema Asycuda World
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: