ADVERTISEMENT

CVTL Komemora  Aniversário ba-dala 20 ho Mantein ba Prinsipiu Fundamental Hitu

Timor Post - Internasional · Saude
  • Share

Timor Post (24/06/2020)—Loron 22 juñu 2020, Cruz Vermalha de Timor-Leste (CVTL) selebra nia aniversáriu ba-dala 20. CVTL mak organizasaun independente ne’ebé estabele iha tinan 2000 no legalmente rekuiñese husi Governu nu’udar auxiliario ba Governu Timor-Leste tuir dekretu lei 6 /2005 iha 14 Setembru 2005.  No CVTL proteje i uza nia emblema ho Rekoñesidu hanesan membru 183 hosi Movimentu Cruz Vermelha no Crescente Vermelho 190 iha mundo.

Movimentu Cruz vermelha hotu-hotuu no Cresente Vermlaho iha mundo tomak servisu bazeia no lao tuir prinsípiu fundamental hitu (7)  ne’ebé sai nu’udar xave importante ida. Tan ne’e Cruz Vermelha de Timor-Leste mós servisu bazeia prisínpiu hitu ne’e, hanesan : UMANIDADE, IMPARSIALIDADE, NUETRALIDADE. INDEPENDÉNSIA, UNIDADE UNIVERSALIDADE no servisu VOLUNTÁRIO. CVTL organizasaun independente ne’ebé hakarak hatutan ami ni servisu sira ba ema vulneravel  iha rai doben Timor-Leste,  tan ne’e mai hamutuk ho ami  CVTL hodi fó tulun ba maluk vulneravel sira ne’ebé merese duni atu hetan tulun. Ho prinsipiu sira ne’e halo CVTL nia servisu la haree ba rasa,kór, relijiaun,politiku grupu ruma maibe foku liu ba aspetu umanitariu hodi tulu ema vulneravel sira ne’ebé presija liu.

Istória ituan konaba CVTL

Cruz Cruz Vermelha iha Timor iha dekade barak ona uluk liu iha Cruz Vermelha Purtugés depois Cruz vermelha Indonesia (PMI), no mos iha Komite Internasionál Cruz Vermelha (KICV)  ne’ebé desempenha nia papel hodi apoiu maluk kbi’it laek sira liu husi atividade bee moos, atividade joventude (palang merah remaja), nsst.

Winhira Timor-Leste sei invade husi Indonezia, Timor-Leste nia cruz Vermelha maka Palang Merah Indonesia. Hafoin  Timor-Leste indepéndensia iha tinan 22 Juñu 2000, Timor oan nain 16, dehan tempu to’o ona hari’i ita nia Cruz Vermelha rasik (husi sira nain 16 barak liu servisu iha Cruz Vermelha iha tempu Indonezia ukun) sira deside hari’i Cruz Vermelha rasik maka hanaran CRUZ VERMELHA DE TIMOR-LESTE (CVTL). Fundador sira balun sei serviso nafatin ho CVTL to agora nu’udar funsinario.

CVTL nia misaun maka: atu hadia ema ne’ebé vulneravel liu husi forsa mobilizasaun umanitario.

No vizaun maka: servi makas liu husi asaun voluntario no fó direitu tomak ba komunidade sira hodi hadiak sofrimentu umanu ba dignidade moris iha Timor-Leste.

CVTL halao ninia kna’ar iha ida-idak nia departementu no unidade. CVTL responde ba kestaun saúde liuhusi department SAÚDE no nia unidade sira, hanesan: Responde emergensia; bee no saneamentu; promosaun saúde, tulun Governu liuhusi Ministeriu saúde hodi halo atividade doasaun ran, iha tinan 2020 CVTL foku mós iha atividade prevensaun ba COVID 19 no atividade saúde sira seluk. primeiru sokorru ba komunidade no primeiru sokorru ba komersiu; prevensaun ba HIV/AIDS; deziminasaun; restabelesimentu ligasaun Familia; ho juventude. servisu ho komunidade hodi instala bee mos no hamenus familia nia nesesidade; treinamentu primeiro sokorru ba voluntariu no komunidade beneficiariu nomos treinamentu primeiru sokorru komersial; eduka ema kona-ba HIV/AIDS; fornese Kit Primeiru sokorru; no eduka ema hotu, inklui forsa armado, kona-ba importante cruz vermelha papel cruz vermelha durante dizastre no konflitu sivil.

Departementu JESTAUN DE DEZASTRE preparasaun ba dezastre no hamenus Risku ba dezastre; povu nia moris. Ajuda ema hodi prepara ba dezastre: trainamentu ba saúde; (mudansa klimatiku, no koalia lae ba droga, MHRS, HIV/AIDS, seguru estrada no nsst).

Departementu ADMINISTRASAUN, JOVENTUDE. FINANSA,LOJISTIKA, RELASAUN EXTERNA, departementu hotu halao ninia kna’ar iha prinsipiu hitu nia okos.

Oras ne’e CVTL nia filial iha Minisipiu 13. Iha tinan 2020 CVTL nia staff Nasional no filial sira hamutuk  164 inklui mós ho kasual sira. No ninia volutario hamutuk 5000. Voluntario sai fuan ba CVTL.

Movimentu Cruz vermelha hotu-hotuu no Cresente Vermlaho iha mundo tomak servisu bazeia no lao tuir prinsípiu fundamental hitu (7)  ne’ebé sai nu’udar xave importante ida. Tan ne’e Cruz Vermelha de Timor-Leste mós servisu bazeia prisínpiu hitu ne’e, hanesan : UMANIDADE, IMPARSIALIDADE, NUETRALIDADE. INDEPENDÉNSIA, UNIDADE UNIVERSALIDADE no servisu VOLUNTÁRIO. CVTL organizasaun independente ne’ebé hakarak hatutan ami ni servisu sira ba ema vulneravel  iha rai doben Timor-Leste,  tan ne’e mai hamutuk ho ami  CVTL hodi fó tulun ba maluk vulneravel sira ne’ebé merese duni atu hetan tulun. Ho prinsipiu sira ne’e halo CVTL nia servisu la haree ba rasa,kór, relijiaun,politiku grupu ruma maibe foku liu ba aspetu umanitariu hodi tulu ema vulneravel sira ne’ebé presija liu. (*/cao)

 3,162 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “CVTL Komemora  Aniversário ba-dala 20 ho Mantei…” A few seconds ago

Lee Mós :
Japaun Estabelese Sistema Prátika Agrikultura Di'ak

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No