Lú Olo Ezonera Membru KHUNTO Na’in-Tolu husi Estrutura Governu

Timor Post (23/06/2020)—Prezidente Repúblika, Francisco Guterres Lú Olo, liuhusi Dekretu Prezidente Repúblika númeru 51/2020, 47/2020 no no 38/2020, ezonera membru Partidu KHUNTO na’in tolu.

Membru na’in-tolu ne’e mak hanesan, Julião da Silva ezonera husi Sekretáriu Estadu Formasaun Profesionál no Empregu (SEFOPE), João Zacarias Freitas Soares ezonera husi kargu Vise-Ministru Edukasaun Juventude no Desportu no Alexandrino Xavier Araújo ezonera husi pasta Sekretáriu Estadu ba Protesaun Sivíl.

SCROLL FILA BA NOTISIA

Fonte kredivél Timor Post iha Palásiu Prezidensiál haktuir, Julião hetan ezonerasaun husi SEFOPE bazeia ba proposta husi Primeiru Ministru Taur Matan Ruak hodi nomea fali ba kargu foun nu’udar Vise Ministru Negósiu Estranzeiru no Kooperasaun (VMNEK).

Lee Mós :

MI Prevee 15 Milloes Ba Orsamentu Adisional 2021

Entretantu ba kargu SEFOPE rasik naran iha lista foun ne’ebé Timor Post asesu, okupa fali husi membru seluk KHUNTO nian ho naran Alarico do Rosário.

Prezidente Repúblika mós ezonera membru KHUNTO, João Zacarias Freitas Soares husi kargu Vise-Ministru Edukasaun Juventude no Desportu. No tuir lista foun pasta ne’e sei okupa fali husi membru KHUNTO seluk ho naran António Guterres.

Lee Mós :

Partidu Foun Balun Seidauk Rejistu Halo Ona Sensebilizasaun inklui PATIFOR

Prezidente Repúblika mós ezonera membru KHUNTO, Alexandrino Xavier Araújo husi pasta Sekretáriu Estadu ba Protesaun Sivíl. Tuir lista foun pasta ne’e okupa fali husi membru KHUNTO seluk Joaquim.

Membru VIII Governu Konstitusionál ne’ebé ezonera hamutuk ho Julião ho Zacarias, inklui membru sira husi Partidu CNRT na’in-lima ne’ebé antes ne’e aprejenta karta rejignasaun.

Membru na’in-lima husi CNRT mak hanesan:

1.Ministru Negosius Estranjeirus no Kooperasaun, Dionísio da Costa Babo Soares

Lee Mós :

Bibi Rua Mate Hafoin La’o Livre iha EP

2.Ministra Edukasaun Juventude no Desportu, Dulce de Jesus Soares

3.Vise-Ministru Administrasaun Estatal, Abílio José Caetano

4.Sekretáriu Estadu ba Juventude no Desportu, Nélio Isaac Sarmento

5.Sekretáriu Estadu ba Kooperativas, Arsenio Pereira da Silva

Dekretu Prezidente Repúblika asina iha 23 juñu 2020, iha Palásiu Prezidénsial Nicolau Lobato. (cao)

1,121 total views, 3 views today

Oinsa Ita nia Reaksaun iha Notisia Nee?