ADVERTISEMENT

KKLN Sei Kria Fundu ba Veteranu no Harii Monumentu iha Kada Postu Aminstrativu

Timor Post - Jeral
  • Share

Timor Post (22/06/2020)—Konsellu Kombatente Libertasaun Nasionál (KKLN) iha ona planu ba kriasaun fundu ba veteranu, kontinua verifika dadus pensaun no harii monumentu iha Postu Aministrativu hamutuk-65 iha territóriu.

Prezidente Administrasaun KKLN, Vidal de Jesus ‘Riak Leman’ hamutuk no ninia estrutura deskuti ona planu ne’e ho Prezidente Repúblika, Francisco Guterres Lú Olo, iha Palásiu Prezidensiál, Bairro-pité, Dili, Segunda (22/06/2020).

ADVERTISEMENT
SCROLL FILA BA NOTISIA


Hafoin sorumutu Riak Leman ba Jornalista sira subliña, dezde estabelese KKLN laiha orsamentu tanba mós situasaun polítika atuál ne’ebé difikulta tebes nia parte atu hala’o nia programa tanba laiha orsamentu.

Riak dehan, iha tempu badak bele aprezenta planu orsamentu no aprova iha Parlamentu Nasionál atu fasilita programa ne’ebé aprova tiha ona.

Lee Mós :
Polémika PM Taur Liman Nakdedar, Nota Klarifikasaun ba Kompas

Hatan ba kestaun ne’e, Prezidente Repúblika informa katak asuntu veteranus nu’udar prioridade ida ba Xefe Estadu tanba ne’e husu atu entrega planu serbisu organizasun ninian atu kontinua tau matan.

Iha sorumutu ne’e Prezidente Repúblika mós promete sei ko’alia ho Primeiru Ministru, Taur Matan Ruak atu foti desizaun definitivu ba KKLN nia eskritóriu atu halibur veteranus hala’o sira-nia programa.

Xefe Estadu kompriende preokupasaun instituisaun ninian relasiona laiha espasu definitivu veteranus atu halibur malu no hala’o serbisu. Prezidente Repúblika informa katak sei ko’alia ho Primeiru Ministru atu bele hetan rai no eskritóriu ba KKLN atu bele funsiona hanesan organizasaun sira seluk.

Lee Mós :
Férias judiciais começam em agosto

Prezidente Repúblika husu ba veteranus atu hatur nafatin transmisaun valores rezisténsia nu’udar prioridade ida iha programa KKLN ninian. Transmisaun valores tenke sai sentru ba programa KKLN ninian atu nune’e jerasaun foun sira bele aprende de’it la’ós luta eroika kombatentes nian maibé bele hatutan valores rezisténsia ninian.

Prezidente Adminsitrasaun KKLN informa katak agora dadaun temporariamente okupa espasu ida iha Caicoli, ne’ebé tuir planu sei harii eskritóriu ba Tribunal Rekursu. Tanba ne’e KKLN husu atu Prezidente Repúblika bele buka solusaun hamutuk ho Primeiru Ministru atribui eskritóriu permanente ba veteranus nu’udar espasu prinsipál ba implementasaun programa.

Lee Mós :
Komunidade La Asesu Bee Moos, Obrigadu Konsumu Udan Been

Prezidente Repúblika promulga Dekretu-Lei Estatutu KKLN, iha 21 marsu 2018, ho objetivu atu envolve veteranus sira iha dezenvolvimentu nasionál no hadi’ak liután sira-nia moris, ne’ebé sai parte husi kompromisu Prezidente Repúblika ninian.

Conselho dos Combatentes de Libertação Nacional hala’o kongresu iha 18-20 dezembru 2019 hodi hili estrutura atu lidera organizasaun. Molok ne’e, Komisaun Instaladora hala’o konferénsia iha nivel munisípiu atu hili nia reprezentante mai tuir kongresu dahuluk KKLN ninian. (cao)

 664 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “KKLN Sei Kria Fundu ba Veteranu no Harii Monume…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No