Timor Post (16/06/2020)- Vise Primeiru Ministru Asuntu Sosiál Armanda Berta hateten, fin de Juñu ne’e halo ona pagamentu subsídiu ba família agregadu iha Rejiaun Administrativa Espesiál Oe-kusi Ambeno (RAEOA).
“Ba sub rejiaun oe-kusi ninian Prezidente RAEOA horisehik mós hasoru malu ona ho ha’u atu bele hare prosesu pagamentu iha tempu badak, dala ruma iha fin de Juñu ne’e bele halo pagamentu ona”, Ministra informa hafoin remata enkontru ho Primeiru Ministru Taur Matan Ruak iha iha Palasiu Governu tersa (16/06).
VPM hatutan prosesu agora la’o, nia parte mós simu ona dadus kona-ba RAEOA nia hosi ministériu administrasaun estatál hamutuk uma kain rihun-23, no orsamentu mós sei tuir dadus ne’ebé MAE entrega ba MSSI.
VPM hatutan Xefe Governu mós fo parabéns ba tékniku sira hotu ne’ebé hala’o distribuisaun subsídiu iha territóriu laran tomak.
“Ohin Primeiru Ministru mós hato’o parabéns ba ekipa tékniku sira ne’ebé mak durante halo pagamentu”, Berta hatutan.
Jornalista: Jaime Pires
Editor: Mariano Martins
612 total views, 3 views today
Bele hare Video Seluk :