ADVERTISEMENT

Estranjeiru Na’in-13 ho Ró-ahi Mosu iha Jako-Tutuala, Autoridade Sira Evakua ona ba Dili

Timor Post - Lautem · Nasionál
  • Share

Timor Post (14/06/2020)—Sidadaun estranjeiru na’in-13 inklui feto na’in-3 ne’ebé ho ró-ahi ida mosu iha tasi ninin illa Jako-Postu Administrativu Tutuala, Munisípiu Lautem, peskador sira hetan iha Kinta kalan (11/06/2020) no Ekipa Sentru Integradu Jestaun Krize (SIJK) ba COVID-19 akompaña husi parte Polísia xefia husi Komandante Calisto evakua ona ba Dili iha loron 13/06/2020 hodi halo investigasaun.

Ema na’in-13 ne’e inklui sidadaun husi nasaun Vietnam na’in-11 no na’in-2 husi Indonézia mak lori ró-ahi ne’e.

ADVERTISEMENT
SCROLL FILA BA NOTISIA

Tuir kronolojia ne’ebé haktuir husi Administradór Tutuala , Karlito Pereira ba Timor Post, bainhira peskadór sira husi Tutuala hetan ró-ahi ne’e iha kalan boot, sira tenta halo informa ba autoridade seguransa iha Tutuala, maibé tanba rede telekomunikasaun laiha maka iha dader maka sira foin halo kontaktu.

Lee Mós:
Jerasaun Patriota Deklara La Fó Apoiu ba Kualkér Kandidatu PR

Administradór haktuir, informasaun ne’ebé nia rasik hetan bainhira ho parte seguransa ba hasoru sidadaun sira ne’e iha Jako katak, sira nia viajen hahú husi Jakarta, ba Makasar, ba Kendari no atu kontinua sira nia viajen maka mina ro-ahi maran iha tasi klaran no laloran baku ro-ahi ne’e ba mosu fali iha illa Jako.

Iha informasaun husi sidadaun Indonézia na’in rua dehan, ró-ahi ne’e sidadaun Vietnam sira mak hola no selu sira ho osan rupiah juta sanulu (Rp. 10 Juta) hodi tula sira ba Dárwin-Austrália. Maibé informasaun husi sidadaun Vietnam sira katak,  sira nia viajen husi Indonézia atu ba Vietnam.

Lee Mós:
Entre TIR no Prizaun Preventiva ba Arguidu Sira Tortura Joven Na’in-2, Euclides: “Ami kontinua halo Operasaun”

“Sidadaun Indonézia rua ne’e, ida husi Kefa maibé hola feto iha Kendari no ida seluk ema Kendari duni maka lori ró-ahi ne’e. Sira dehan sai husi Kendari ba Darwín-Austrália, maibé informasaun ne’e iha fali versaun rua katak, sidadaun Vietname sira dehan atu ba Vietnam,” Administradór haktuir.

Administradór dehan, bainhira nia rasik ba to’o iha Jako, fasilita mina hodi enxe ba ró-ahi ne’e hodi tula sidadaun sira ne’e husi Jako ba Tutuala hodi halo investigasaun, maibé tanba parese ró-ahi ne’e mina maran ona iha tasi klaran no laloran maka baku to’o tasi ninin no xoke iha fatuk no ahu-ruin sira maka ró-ahi labele funsiona no paradu total iha fatin ne’e.

Lee Mós:
Governu nia Proposta Retifikasaun OJE 2021 Foku ba Medida Prinsipal Neen

Nune’e, Administradór haktuir, peskadór sira maka tula duni sidadauk hirak ne’e ho bero hodi ba hatún iha Tutuala no ekipa husi nasionál rasik inklui parte saúde ba halo teste ba sira nia saúde liuliu tau atensaun maka’as antisipa pesti corona (COVID-19).

To’o notisia ne’e publika Timor Post sei halo hela konfirmasaun kona-ba sidadaun sira ne’e iha Dili konsentra iha ne’ebe hodi hetan investigasaun husi autoridade kompetente. (cao)

 201 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Estranjeiru Na’in-13 ho Ró-ahi Mosu iha Jako-Tu…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: