ADVERTISEMENT

KAK Investiga Xefe Suku Labarai Tanba Deskonfia Fasilita Joventude Balu Simu hotu Subsídiu

Timor Post - Cova Lima
  • Share

Timor Post (12/06/2020)—Iha loron Kuarta foin lalais ne’e Komisaun Anti Korrupsaun (KAK) halo investigasaun ba Xefe Suku Labarai Mousinho Amaral, tanba identifika katak joven balu seidauk forma uma kain maibé hetan direitu ba subsídiu Covid-19.

“Informasaun ne’ebé tama iha KAK depois KAK to’o kedas iha fatin pagamentu hodi halolo kedas informasaun mai ami no parte Munisípiu mós husu mai ami atu identifika lai ema ne’e, tanba ne’e mak pagamentu ba ema ne’e sei pendente hela”, informa Xefe Suku Labarai ba Timor Post.

ADVERTISEMENT
SCROLL FILA BA NOTISIA


Xefe Suku iha postu Suai Villa Munisípiu Covalima ne’e rekoñese ema ne’ebé KAK deskonfia ne’e ninia alin rasik, maibé nia alin ne’e harii ona uma kain.

Lee Mós :
Konsellu Ministru Aprova Trasporte Públika Bele Tama Sai Fronteira ho Indonézia

“Ha’u nia alin rasik maibé nia forma ona uma kain, agora ninia ferik oan ho moras surtu Covid-19  ne’e mak to’o ohin loron  seidauk fila mai hamutuk ho nia ho oan iha Timor tanba nia sei iha hela Indonézia ne’ebá. Sira na’in rua hola malu ona, tanba lori malu ba mai hodi aprenzenta ba família feto nian no mós mane nian maski uma rua sei dauk tur hamutuk”, esplika Mousinho.

Alende ne’e Xefe Suku refere informa iha benefisiáriu ida tan ne’ebé ninia pagametnu sei pendente tanba númeru kartaun la hanesan.

“Ema ne’e ninia númeru kartaun eleitorál original ho númeru eleitorál ne’ebé sai iha lista pagamentu ne’e mak la han malu ida ne’e mak agora sei halo pendente hodi halo reklamasaun”, nia hatutan.

Lee Mós :
Veteranu Jorge Alves Husu Governu Loke Lalais Projetu Suai Supply Base

Xefe Kamanasa Garante Komunidade Naran Laiha sei hetan Hotu Subsidiu

Iha fatin seluk Xefe Suku Kamanasa, Samuel Barros, garantia komunidade sira ne’ebé naran família la tama iha lista pagamentu subsidiu $100 kuaze uma kain 10 resin sei hetan hotu subsídiu.

“Ita garante uma kain 10 ne’ebé naran la tama iha lista ne’e sei hetan hotu subsídiu ne’e” Samuel  garantia iha entrevista ho  Timor Post iha nia knar fatin sede Suku Kamanasa Postu Administrativu suai, munisipiu Kovalima.

Nia hatutan  lider komunitaria sei serbisu hamutuk ho xefe aldeia  no ekipa hosi nasionál atu resolve molok loron 15 nia laran.

Lee Mós :
PNTL Identifika Munisípiu 4 Rísku ba Problema

“Ami sei esforsu, la hatene tanba keta iha failansu tékniku karik, tanba ne’e ami  buka meius atu hadi’a para sira bele hetan hotu subsídiu ida ne’e” tenik Samuel.

Lider komunitariu ne’e subliña durante pagamentu ba subsídiu Covid-19 hahú hosi inisiu mai to’o ohin loron iha Kamanasa laiha failansu tanba entre xefe Suku, xefe aldeia, konsellu suku no ekipa hosi nasionál inklui ofisial polisia Suku no komunidade la’o di’ak.

Jornalista: Julio Salinas Soares

Editor: Mariano Martins

 1,262 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “KAK Investiga Xefe Suku Labarai Tanba Deskonfia…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No