ADVERTISEMENT

Governu Kontaktu ho Indonézia Tula Fila Timoroan Na’in-60 iha Korea Súl, Na’in-4 Grávida iha Austrália

Timor Post - Internasional · Nasionál
  • Share

Timor Post (10/06/2020)—Sekretáriu Estadu Formasaun Profesionál no Empregu (SEFOPE), Julião da Silva hatete, iha semana ne’e nia laran sei tula fila timoroan hamutuk na’in-60 husi Korea Súl hafoin halo kontaktu ho Indonézia bele fasilita prosesu transportasaun.

Timoroan na’in-60 ne’e servisu iha Kurea Súl maibé kontratu hotu ona no sira hakarak fila ona mai Timor.

ADVERTISEMENT
SCROLL FILA BA NOTISIA
Lee Mós:
PR Horta Louva Relasaun Bilaterál TL ho RI

“Governu sei komunika ho governu Indonézia atu autoriza aviaun halo tránzitu bainhira transporta sidadaun sira mai Timor-Leste,” Julião ba Jornalista sira hafoin diskuti assuntu ne’e ho Primeiru Ministru Taur Matan Ruak, iha Palásiu Governu, Tersa (09/06/2020).

Nia haktuir, Primeiru Ministru fó orientasaun atu lori fila ona sidadaun sira sedu di’ak liu tan.

Kona-ba orsamentu atu transporta timor-oan hirak ne’e, Julião dehan, halo ona kontaktu katak sira bele selu rasik importante governu fasilita voo husi Korea Sul to’o Dili.

Lee Mós:
Parlamentu Revela Dokumentu Angela Freitas “Hatún Prezidente ho Kilat”

Entretantu Julião mós informa, nia parte mós halo ona kontaktu ho traballadór timor-oan iha Austrália hamutuk na’in-30 mos kontratu hotu ona inklui feto na’in-4 ne’ebé isin rua (grávida).

Tuir Julião, ba sira ne’ebé iha Austrália fásil tebes atu transporta sira fila tanba governu halo hela kontratu voo ho Aviaun Airnorth, maibé traballadór iha Korea mak sei buka dalan.

Lee Mós:
OJE 2020 ba F-FDTL ho PNTL, Foku ba Selu Deve

Tanba timor-oan hirak ne’e maihusi nasaun afetadu COVID-19, Julião subliña, sei iha koordenasaun ho ekipa Sentru Integradu Jestaun Krize (SIJK) hodi prepara fatin kuarentena ba sira. (cao)

 387 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Kontaktu ho Indonézia Tula Fila Timoroa…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: