ADVERTISEMENT

Armanda Berta: Importante Subsídiu To’o ba Populasaun Hotu

Timor Post - Ekonomia · Nasionál
  • Share

Timor Post (09/06/2020)—Vise Primeiru Ministru no Ministra Solidariedade Sosial no Inkluzaun (MSSI) Armanda Berta dos Santos, tersa (09/06) halo monitorizasaun diretamente no tempu hanesan loke prosesu pagamentu ba subsidiu sen-dolares ($100) iha suku Comoro, Postu Adminstrativu dom Aleixo Munisipiu Dili.

Iha  diskursu abertura Armanda haktuir no rekoñese prosesu ba  pagamentu subsídiu prosesu ida naruk tebes, maibe importante bele to’o ona iha komunidade sira nia liman

ADVERTISEMENT
SCROLL FILA BA NOTISIA

“Prosesu subsídiu la’o naruk, maibé importante maka ohin loron too ba ita boot sira”, dehan Berta dos Santos.

Lee Mós:
Governu Rekoñese Domíniu Investimentu Privadu iha Timor Leste

Ho laran haraik-aan primeiru feto ne’ebé assume pasta VPM iha TL ne’e rekoñese komunidade hein tebes apoiu Governu iha Estadu Emerjénsia maibé ho pasiénsia ohin subsídiu ba uma kain to’o ona iha komunidade sira nia liman.

“Durante estadu emerjénsia ha’u nia komunidade sira ne’ebé maka hein tebes direitu ne’ebé maka ohin fó sai ona husi media katak 100 sei to’o ba ita bo’ot sira tanba ida nee ohin loron, la’os iha dili de’it iha timor laran tomak, ohin halo pagamentu. Tanba nee maka ohin ha’u hakat mai ita boot sira nia let, atu hare direita hodi rekupera imi nia situasaun ne’ebé durante enfrenta iha situasaun covid ne’e”, hateten atuál Prezidente Partidu KHUNTO ne’e.

Lee Mós:
Prezidente Repúbika Ezonera Membru Governu Na’in-Ualu Inklui Alexandrino Xavier de Araújo

Molok hakotu nia husik hela, se iha problema ruma relasiona ho prosesu pagamentu nian MSSI no Estatal sei toma responsabilidade.

“Ministériu Solidariedade Sosiál no Ministériu Administrasaun Estatál sei toma responsabilidade   iha reklamasaun hosi ita nia komunidade sira, importante maka ida ne’ebe atu simu, simu (uluk)”, dehan Berta.

Lee Mós:
Verifika Dadus Veteranu Rejistadu 2009

Alende ne’e nia mós husu ba komunidade sira atu kolabora di’ak liután no mantein distánsia sosiál nafatin.

“Ohin ita boot sira sei simu fulan rua nian dala ida, duzentos dolares” Berta hakotu no komunidade basa liman.

Jornalista            : Jaime Pires

Editór                    : Mariano Martins

 178 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Armanda Berta: Importante Subsídiu To’o b…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: