ADVERTISEMENT

Lú Olo Ezonera ona Membru Governu Na’in-Tolu no Posse Na’in-Ualu

Timor Post - Jeral
  • Share
Membru Governu Foun sira partisipa iha preparasaun ka Gladi ba Tomada de Pose. Foto Espesial

DILI—Prezidente Repúblika, Francisco Guterres Lú Olo, liuhusi Dekretu Prezidente Repúblika númeru 36/2020, 37/2020 no 38/2020 ezonera membru VIII Governu Konstitusionál na’in-tolu husi kargu.

Membru Governu na’in-tolu ne’ebé hetan ezonerasaun husi Prezidente Repúblika mak Ministru Estadu Prezidénsia ba Konsellu Ministru Hermengildo Augusto Perreira, Ministru Reforma Lejislativa no Assuntu Parlamentar  Fidelis Magalhães, Ministru Agrikultura no Peskas Joaquim Gusmão Martins.

ADVERTISEMENT
SCROLL FILA BA NOTISIA


Ministru Hermenegildo Augusto Perreira rezigna an husi nia kargu halo tuir orientasaun husi Partidu CNRT.

Ministériu Lejislativa no Assuntu Parlamentár halakon iha Lei Orgánika foun VIII Governu ne’ebé Prezidente Repúblika promulga iha 25 maiu. Fidelis Magalhaes hetan fali nomeasaun foun husi Prezidente Repúblika ba kargu Ministru ba Prezidénsia Konsellu Ministru ne’ebé sei hetan posse aban, 29 maiu, iha Palásiu Prezidensiál Nicolau Lobato.

Lee Mós :
CNRT hakarak Haree Vizaun Polítika FRETILIN ba PEDN no husu Aprejenta ba Povu

Membru governu na’in-ualo ne’ebé sei simu posse husi Prezidente Repúblika iha loron Sesta (29/05/2020) mak Ministru ba Prezidénsia Konsellu Ministru, Ministru ba Assuntu Parlamentares no Komunikasaun Sosiál , Francisco Martins da Costa Perreira Jerónimo, Ministru Finansas Fernando Hanjam, Ministru Administrasaun Estatal Miguel Pereira de Carvalho, Ministra Saúde Odete Maria Freitas Belo, Ministru ba Assuntu Kombatentes Libertasaun Nasionál Júlio Sarmento da Costa ‘Meta Mali’, Ministru Agrikultura no Peskas Pedro dos Reis.

Ministru sira ne’ebé sei integra ba VIII Governu Konstitusionál tuir Lei Orgánika foun mak Ministru da Prezidénsia Konsellu Ministru, Ministru Koordenadór ba Assuntu Ekonómiku, Ministru ba Assuntu Parlamentar no Komunikasaun Sosial, Ministru Finansas, Ministru Negósiu Estranjeiru no Kooperasaun, Ministru Justisa, Ministru da Administrasaun Estatal, Ministru Saúde, Ministru Edukasaun Juventude no Desportu, Ministru Ensinu Superior, Siénsia no Kultura, Ministru Solidariedade Sosial no Inkluzasaun, Ministru ba Assuntus Kombatentes Libertasaun Nasionál, Ministru Planu no Ordenamentu, Ministru Obras Públikas, Ministru  ba Transportes no Komunikasaun, Ministru Turismu, Komérsiu no Industria, Ministru Agrikultura no Peskas, Ministru Defeza, Ministru Interior, Ministru Petróleu no Minerais.

Lee Mós :
Rezultadu Sorteiu Eleisaun Segunda Volta, Ramos Horta 1 - Lú Olo 2

Ministru sira sei koajuva husi Vise-Ministru Negosius Estranjeirus no Kooperasaun, Vise-Ministru  Justisa, Vise-Ministru Estatal, Vise-Ministru ba Kuidadu Saúde Primária, Vise-Ministru ba Dezenvolvimentu Estratéjiku Saúde, Vise-Ministru Edukasaun, Juventude no Desportu,  Vise-Ministru Solidariedade Sosial, Vise-Ministru Obras Públikas, Vise-Ministru ba Turismu Komunitária no Kultural, Vise-Ministru Komérsiu no Indústria, Vise-Ministru Interior,  Sekretáriu Estadu Kooperativa, Sekretáriu Estadu ba Ambiente, Sekretáriu Estadu ba Komunikasaun Sosiál, Sekretáriu Estadu ba Teras no Propriedades, Sekretáriu Estadu ba Juventude no Desportu, Sekretáriu Estadu Arte no Kultura, Sekretáriu Estadu ba Assuntus Kombatentes  Libertasaun Nasionál, Sekretáriu Estadu ba Peskas, Sekretáriu Estadu ba Protesaun Sivíl no Sekretáriu Estadu ba Igualdade no Inkluzaun. (cao)

Lee Mós :
Realiza Asembleia Jerál Anuál, FONGTIL Nafatin Mantein no Firme

 737 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Lú Olo Ezonera ona Membru Governu Na’in-Tolu no…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No