ADVERTISEMENT

Xanana mak foti Desizaun Durante Impase Polítika, Rejeita Hamutuk ho FRETILIN

Timor Post - Nasionál
  • Share

DILI—Konsellu Polítika Nasionál (CPN sigla Portugués) desidi fó konfiansa tomak ba Prezidente Partidu CNRT, Kayrala Xanana Gusmão atu foti desizaun ba solusaun sira durante impase polítika iha rai laran.

“CPN entrega hotu on aba Prezidente Partidu Maun Boot Kayrala Xanana Gusmão maka iha kompeténsia tomak atu ko’alia, atu hola desizaun saida de’it iha Prezidente Partidu nia liman,” Vise Prezidente CNRT, Virgilio Smith afirma liuhusi konferénsia ba imprensa, Kuarta (06/05/2020), iha Sede Sentral CNRT, Bairro dos Grilhos, Dili.

ADVERTISEMENT
SCROLL FILA BA NOTISIA

CPN foti desizaun ne’e relasiona ho deputadu sira husi bankada CNRT realiza konferénsia imprensa iha loron Tersa (05/05/2020) iha sala Bankada CNRT iha Parlamentu Nasionál, hodi husu ba Prezidente Repúblika Francisco Guterres Lú Olo bolu tan FRETILIN hodi túr hamutuk ba hakotu impase polítika iha rai laran.

Lee Mós:
Hakerek Istória Loloos kona-ba FALINTIL

CPN konsidera deklarasaun husi deputadu CNRT sira nian hanesan atus individuál no la reprejenta partidu nia pozisaun.

Nune’e, Virgilio akompaña husi Adjuntu Sekretáriu Jerál CNRT, Jacinto Rigoberto ho membru sira seluk reprejenta CPN reafirma katak, CPN mantein ho desizaun iha loron 30/04/2020 fó apoiu tomak no autoriza Prezidente Partidu CNRT atu reprejenta CPN no partidu hodi hola medida no desizaun kona-ba situasaun polítika atuál.

Nune’e mós reafirma pozisaun CPN nian apoiu tomak ba petisaun ne’ebé hatama ona ba Supremu Tribunál Justisa/Tribunál Rekursu iha loron 5/05/2020.

CNRT liuhusi Advogadu Privadu Manuél Tilman ho Miguel Faria lori ona prosesu liga ho desizaun sira durante ne’e Prezidente Repúblika Francisco Guterres Lú Olo foti liga ho situasaun polítika iha rai laran ne’ebé konsideradu hamosu violasaun klara i grave ba obrigasaun konstitusional tuir artigu 79 (2).

Lee Mós:
Sidadaun Ida Pozitivu Covid-19 Ne'e Di'ak Hela

Prosesu ne’e hanaran petisaun inisiál ba Tribunál Rekursu atu husu fiskalizasaun ba Tribunál Rekursu atu deklara katak iha duni violasaun klara ka la’e prinsípiu konstitusionais, liuliu liga ho desizaun la fó posse ba membru governu sira husi CNRT no prosesu sira to’o indizitasaun Primeiru Ministru ba governu dasia ne’ebé prezidente repúblika nonok tiha de’it iha dalan klaran.

Antes ne’e mós Xanana afirma, atu defende lia loos no kaer metin nafatin estadu direitu demokrátiku maka prosesu ne’e lori ba tribunál rekusru.

“CNRT buka atu hatudu responsabilidade ba nasaun. Ita iha hela krize institusional,” Xanana hatete.

Xanana subliña istória sira harii governu Aliansa Mudansa ba Progresu (AMP) lideradu Taur Matan Ruak no hafoin eleisaun antesipada iha Parlamentu Nasionál mosu fali Aliansa Maioria Parlamentár ne’ebé haforsa governu daualu.

Lee Mós:
Governu Taka Total Movimentu Tama Sai Munisípiu Bobonaro ho Kovalima

Xanana mós ko’alia kona-ba rajaun sira CNRT xumba Orsamentu Jerál Estadu (OJE) 2020, tanba la konforma ho normas, sistema finanseiru no ejekusaun.  Tanba ne’e, bainhira OJE xumbadu primeiru ministru rasik dehan governu AMP laiha ona. Nune’e, Prezidente Repúblika hola medida sira halo diálogu no iha solusaun tolu katak, últimu rekursu mak eleisaun antesipada, tuir halo movimentasaun polítika no mantein primeiru ministru governu daualu.

Xanana mós haktuir prosesu sira kontinuasaun to’o mosu koligasaun foun ida ne’ebé forma husi CNRT, KHUNTO, PD, UDT, FM ho PUDD, maibé ikus mai prezidente repúblika husik tia de’it prosesu hirak ne’e iha dalan klaran. (cao)

 449 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Xanana mak foti Desizaun Durante Impase Polítik…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: