DILI—Governu Timor Leste liuhusi konsuladu iha Nusa Tenggara Timur (NTT)-Indonézia servisu hamutuk ho autoridade sira parte provínsia ne’e nian fasilita timoroan hamutuk na’in neen (6) tama husi fronteira terrestre Mota-ain, maske despaixu husi Ministériu Interior taka total ona fronteira terrestre iha semana kotuk.
Porta Vóz Sentru Integradu Jestaun Krize (SIJK) Doutór Rui Maria de Araújo, liuhusi konferénsia ba imprensa iha loron Kinta (23/04/2020), rekoñese iha duni kazu ida ne’e tanba medida ne’ebé foti kategoria hanesan kazu espesial tanba timoroan sira ne’e iha tiha ona prosesu viajen.
“Iha informasaun husi ministériu negósiu estranjeiru katak, sira ne’e iha duni problema, maibé sira halo viajen tiha ona, sira la hela iha sira nia fatin original,” Doutór Rui hatete.
Nia hatutan, tanba kazu espesial, governu indonézia hanesan mós ita Timor Leste halo toleránsia ba sidadaun estranjeiru sira ne’ebé sira nia dokumentu sira presiza regulariza maibé instituisoens estadu sira la funsiona maka presiza fasilita atu sidadaun sira ne’e fila ba sira nia nasaun. (cao)
926 total views, 3 views today
Bele hare Video Seluk :
Subscribe to Timorpost
