DILI—Porta-Vóz Sentru Integradu Jestaun Krize (SIJK), Doutór Rui Maria de Araújo informa, nia parte evakua ona inan isin rua ida husi fatin kuarentena ba fatin izoladu iha Hospitál Nacional Guido Valadares (HNGV) tanba nia hatudu sintomas relasiona ho ninia isin rua.
Doutór Rui la klarifika kona-ba inan isin rua ne’e nia istória viajen no husi fatin kuarentena ne’ebé, maibé nia dehan médiku sira asegura ona.
“Señora ida isin rua semana 37 ka fulan ualu, ekipa médiku iha fatin kuarentena tenke muda nia ba fatin izoladu iha Hospitál Nacional Guido Valadares (HNGV) tanba nia hatudu sintomas relasiona ho ninia isin rua,” Doutór Rui inform aba Jornalista sira iha Sala de Situasaun, Sentru Konvensaun Dili (CCD).
Doutór Rui haktuir, doutór espesialista sira agora akompaña hela inan isin rua ne’e no nia kondisaun estavel, maibé sei halo mós izame laboratorial ba nia. (cao)
851 total views, 3 views today
Bele hare Video Seluk :