ADVERTISEMENT

Parlamentu Nasional Aprova ho Unanimidade Pedidu Deklarasaun Estadu Emerjensia ba Fulan Ida

Timor Post - Jeral
  • Share

DILI-Liuhusi diskusaun iha plenaria extraordinaria iha loron Kinta (26/03/2020) Parlamentu Nasional aprova ona ho unanimidade (deputadu 64) deklarasaun estadu emerjensia durante fulan ida hahu husi loron ne’ebe Prezidente Republika halo promulgasaun.

Objetivu husi estadu emerjensia nee atu prevene daet husi virus corona ne’ebe sai preokupasaun mundial, no konsege hamate ona ema rihun ba rihun iha mundu iha fulan hirak ikus nee liuliu iha Xina, Espana no Italia, espesialmente iha Timor Leste rejista ona kazu ida.

ADVERTISEMENT
SCROLL FILA BA NOTISIA


Lee Mós :
Governu Hanaruk Kontratu Rehabilita Estrada Dili ba Manatutu

Kontiudu husi estadu emerjensia nee bandu movimentasaun publiku iha territoriu no hapara atividade publiku no privadu sira ne’ebe bele afeta ba daet husi virus corona ka COVID-19.

Iha intervensaun ikus iha Parlamentu Nasional, Primeiru Ministru Taur Matan Ruak sublina, governu toma responsabilidade ba ejekusaun estadu emerjensia nee no garante laiha violasaun ba direitus umanus.

Taur Matan Ruak konkorda tebes kona-ba governu nia responsabilidade ba apoiu umanitária, maibé governu sei prepara fali oinsá mak iha medida sira kona-ba assuntu ne’e. no liuliu ba impaktu ekonomia nian.

Lee Mós :
BrigJen Coliati fó Sai Data Públika Lista Kandidatu F-FDTL

“Klaru ke se ita aplika estadu emerjénsia maibé ita husik populasaun hamlaha ne’e irasional uitoan. Konserteja governu tenke organiza para hahan labele falta ba ita nia sidadaun sira,” Taur hatete.

Taur dehan, governu sei estabelese gabinete ida kona-ba jestaun krize sei lidera husi primeiru ministru rasik. Tanba ne’e, nia dehan, governu sei prepara fali medida ida ne’e hodi aprejenta ba parlamentu nasionál.

Lee Mós :
Primeiru Ministru Pakistaun Kondena Aktu Terrorizmu

Taur mós konkorda ho deputadu sira kona-ba impaktu ekonomia liuliu iha kompania privadu sira.

“Kona-ba impaktu ekonómika ami sei aprejenta fali, para liuliu ita iha planu integradu ida prevé kedas ba fulan tolu nian, fazeadu ho akordu. Ita tenta responde de melhor forma,” Taur subliña. (cao)

 1,137 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Parlamentu Nasional Aprova ho Unanimidade Pedid…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No