ADVERTISEMENT

Governu Daualu Entre Moris no Mate, Laiha Dalan ba Alterasaun Lei Estruturante

Timor Post - Jeral
  • Share

DILI—Sekretáriu Jerál Partidu Demokrátiku (PD), António da Conceição alias Kalohan afirma, nia parte sei la konkorda ho proposta lei alterasaun datoluk Lei Orsamentu no Jestaun FInanseiru (LOJF), tanba governu daualu nia estatutu iha hela mate laran.

“Lei orsamentu no jestaun finanseira ne’e lei estruturante, ne’ebé governu labele obriiga ami. Governu só bele ba husu de’it osan atu gasta maibé muda lei ami sei la muda tanba governu ho status antara hidup dan mati (estatutu entre moris no mate),” Kalohan ba Jornalista sira, Sexta (20/03/2020) hafoin partisipa atividade diskusaun entre membru parlamentu nasionál ho sosiedade sivíl ne’ebé realiza husi International Republican Institute (IRI) iha Salaun Tower Conference, Fatuhada, Dili.

ADVERTISEMENT
SCROLL FILA BA NOTISIA


Lee Mós :
Chefe do casal timorense condenado a dez anos de prisão por tráfico de droga

Xefe Bankada PD ne’e hatutan, nia konsidera estatutu governu nian hanesan ne’e tanba Primeiru Ministru Taur Matan Ruak aprejenta ona pedidu demisaun ba Prezidente Repúblika Francisco Guterres Lú Olo.

“Nesesidade saida mak atu altera lei estruturante ne’e hodi garante de’it osan to’o fulan-outubru ne’e, ami la altera,” Kalohan afirma.

Governu lideradu Primeiru Ministru Taur Matan Ruak hakarak hetan biban foti osan husi fundu petrolíferu ho montante millaun $250 hodi finansia mákina Estadu to’o fulan Outubru 2020 tanba osan duodésimu sura ba iha kofre estadu la to’o ona ba tárjetu ne’e.

Tanba ne’e, liuhosi reuniaun Konsellu Ministru (KM), iha loron 18/03/2020 aprova ona Proposta Lei ne’ebé aprezenta hosi Ministra Finansa ein ezersísiu, Sara Lobo Brites, kona-ba autoriza realizasaun transferénsia estraordinária husi fundu petrolíferu ho montante millaun $250.

Lee Mós :
Rezignasaun Xanana, Antonio Kalohan: Ukun Ann La Iha Kontinuidade

Entretantu Prezidente Parlamentu Nasionál, Arão Noe de Jesus, informa, nia rasik simu ona proposta lei Alterasaun Jestaun Finanseira (AJF) husi governu.

Governu aprejenta proposta alterasaun datoluk ba lei númeru 13/2019, 21 outubru ne’e ba Parlamentu Nasionál (PN) ho karater urjénsia.

Arão ba Jornalista sira haktuir, simu proposta ne’e iha loron Tersa (17/03/2020) no sei baixa ba komisaun ne’ebé trata ba lei ho durasaun loron ida no halo relatóriu pareser no ajenda ba diskusaun no aprovasaun iha plenária.

Objetivu husi proposta lei ne’e atu hetan aprovasaun husi órgaun lejislador hodi nune’e fó biban ba governu foti osan husi fundu petrolíferu atu selu komprimísu sira iha rai laran nomós iha rai liur.

Lee Mós :
Eskritór "Takas" Simu Kondekorasaun Husi PR

Primeiru Ministru Taur Matan Ruak ba jornalista sira hafoin governu entrega proposta ne’e ba PN espera, hetan aprovasaun.

Taur dehan, governu presiza osan aleinde atu selu komprimísu sira tuir kontratu antes ho parseiru sira, atende mós problema dezastre naturais no gasta ba halo preparasaun sira no prevensaun ba virus corona. (cao)

 984 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Daualu Entre Moris no Mate, Laiha Dalan…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No