ADVERTISEMENT

Lú Olo Tau Kestaun ba Legalidade Koligasaun Lideradu Xanana Gusmão

Timor Post - Jeral
  • Share

DILI—Prezidente Repúblika Francisco Guterres Lú Olo tau kestaun ba legalidade koligasaun foun ne’ebé forma husi partidu neen inklui CNRT, PD, KHUNTO, UDT, FM no PUDD, liuliu iha aspeitu lei nian.

Hafoin sorumutu ho Lú Olo, liuhusi konferénsia ba imprensa, Porta-vóz Koligasaun, António da Conceição haktuir, iha aspeitu polítiku, koligasaun prienxe ona rekejitus tanba iha ona maioria parlamentar, maibé haree ba lei partidu polítiku, koligasaun seidauk bele fó resposta kedas ba prezidente repúblika.

ADVERTISEMENT
SCROLL FILA BA NOTISIA


Lee Mós :
Komandu PNTL nia Pozisaun Kona-ba Rekrutamentu Membru Foun

“Iha aspeitu polítiku koligasaun iha ona kondisoens tanba iha ona partidu neen mak hamutuk forma koligasaun foun ba harii governu ida, maibé tuir lei partidu polítiku tenke liuhusi konferénsia, tanba ne’e maka koligasaun seidauk iha pozisaun hodi bele hatan kedas ba prezidente repúblika,” subliña Sekretáriu Jerál PD ne’e ba Jornalista sira iha Palásiu Prezidensiál Nicolau Lobato, Bairro-pité, Dili, Sexta (06/03/2020).

Lee Mós :
BNCTL com serviço banco online

Koligasaun foun lidera husi Prezidente CNRT, Kayrala Xanana Gusmao.

Entretantu Primeiru Ministru atual Taur Matan Ruak aprejenta tiha ona pedidu rejignasaun ba prezidente repúblika iha loron Tersa (25/02/2020). Liu ona semana hirak prezidente repúblika seidauk dekreta pedidu rejignasaun ne’e.

Governu daualu lideradu Taur Matan Ruak monu tanba orsamentu jerál estadu 2020 nian xumba iha parlamentu nasionál hafoin CNRT la a favor. Koligasaun ne’ebé hahoris governu daualu maka CNRT, PLP no KHUNTO liuhusi eleisaun antesipada 2018.

Lee Mós :
Prezidente Parlamentu Nasionál Rekoñese Sosa Karreta ba Deputadu Sira Polítika Sala

Rajaun CNRT fó pozisaun ne’e tanba nia membru na’in hitu durante tinan rua governu daualu la hetan pose husi prezidente repúblika. No konsidera governasaun Taur Matan Ruak laiha kapasidade. (yto/cao)

 644 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Lú Olo Tau Kestaun ba Legalidade Koligasaun Lid…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No