DILI (Timor Post)—FALINTIL- Forsa Defeza Timor-Leste (F-FDTL), sei halo tan rekrutamentu ba membru foun nain-600 (atus neen), maibé sei mantein ho lista anterior ne’ebé pasa ona selesaun dokumentu, tanba Governu laiha osan.
Ministru Defeza, Filomeno da Paixão de Jesus, hatete Governu liuhusi Konsellu Ministru, ne’ebé hala’o reuniaun iha loron 04 Fulan Maiu tinan 2022 iha Palasiu do Governu, aprova proposta rekrutamentu ba membru foun F-FDTL na’in- 600 ba iha tinan 2022.
“Rekrutamentu ida ne’e, hanesan parte kompromisu polítiku husi Oitavu Governu nian ne’e ho efetivu hamutuk 2333, maibé ho difikuldade, entaun ba de’it sira ne’ebé Sumba, ita lori de’it restu mak na’in-600 ba iha tinan ida ne’e, ita nafatin mantein ho lista anterior tanba orsamentu limitadu” nia hateten liuhusi konferénsia Imprensa iha Salaun Auditoria Ministériu Defeza Fatu-Hada, Sesta (08/07).
Nia haktuir, husi númeru efetivu na’in-600, ne’ebé aprova ne’e, sei fahe ba komponente no unidade sira hotu, mak hanesan na’in-240 sei dezloka ba komponente Naval, no na’in-240 ba komponente terestre no na’in-120 ba unidade sira seluk.
“Ita tuir proposta ne’ebé mai husi Xefe Estadu Maiór FALENTIL-Forsa Defeza Timor-Leste (F-FDTL) Tenente General, Domingos Rau Falur Rate laek, atu retifika de’it dokumentu aplikante sira ne’ebé iha prosesu de selesaun iha tinan 2021 hamutuk 1800 pesoa, tanba ita problema iha orsamentu”, nia informa.
Tanba ne’e, nia dehan, Governu konkorda ho proposta ne’ebé aprezenta, tanba ne’e redús kustu ba prosesu selesaun.
“Kona ba rekrutamentu ba iha tinan 2022, ne’e ladook husi rekrutamentu tinan ulun nian, idade Mínimu no másimu 18 ate 25 idade, aplikante sira mós tenke sidadaun orijinál Timor-Leste no tenke vasina dala-rua ba leten”, nia hateten.
Iha fatin hanesan, Diretór Jerál Administrasaun Finansas, Ministériu Defeza, Nuno de Carvalho, hatete ligadu ho númeru 600 ne’e tuir desizaun husi Xefe Estadu Maiór Jerál F-FDTL, Tenente General, Domingos Raul Falur Rate, katak kontinua nafatin de’it ho lista anterior.
“Lista ida ne’e, ami filtra husi dados sira ne’ebé uluk ne’e, ita formula ne’ebé mak ita hasai poor volta 222 formuláriu, ami rekolla fila fali 12 ital formuláriu filtra fila fali atu sai aktu no mós inatu ne’e hamutuk 9000 inatu”,
Komisaun rekrutamentu halo ona filtrajen ba ema sira ne’e, tuir fita de tempu restaresidu sira sei ba taka naran iha kada Munisípiu iha Semana oin.
2,313 total views, 3 views today
Bele hare Video Seluk :