ADVERTISEMENT

SEAK Konvida PM Taur Lansa Edifísiu Biblioteka Nasionál

Mario da Costa - Nasionál
Reportajen : Jaime Pires
Editor : Mario da Costa
  • Share
Sekretáriu Estadu Arte no Kultura (SEAK), Teofilo Caldas, Segunda (04/07), Imajen Jaime Pires

DILI (Timor Post)-Sekretáriu Estadu Arte no Kultura (SEAK), hamutuk ho komisaun organizdora, konvida Primeiru Ministru (PM), Taur Matan Ruak, hodi  halo lansamentu tau fatuk dahuluk ba edifísiu Biblioteka Nasionál.

“Ohin ami mai marka audensia ho Primeiru Ministru, hodi atualiza ami-nia preparasaun atu halo lansamentu Primeira Pedra ba ita-nia Biblioteka Nasionál,” dehan Sekretáriu Estadu Arte no Kultura (SEAK), Teofilo Caldas iha Palásiu Governu, Segunda (04/07).

Nia esplika, atu halo Biblioteka Nasionál ne’e orsamentu mai husi kompañia ENI Austrália B.V ho montante millaun 10 USD, iha kedas tinan 2009 liubá maibé Governu la implementa tanba rai laiha.

“Maibé iha mandatu Oitavu Governu ne’e Primeiru Ministru, Taur Matan Ruak, orienta Ministériu Ensinu Superiór liuhuis Sekretáriu Estadu Arte no Kultura, hamutuk ho Autoridade Nasional Petróleu no Minerai inklui ho kompañia ENI aselera no nia prosesu tenderizasaun atinje ona pursentu 98,” deklara nia.

Lee Mós:
Sesta Bázika Motiva Agrikultór Kuda Barak Liután

Nia subliña, ba lansamentu Primeira Pedra ne’e sei monu iha loron (19/07), tinan ida ne’e no, Primeiru Ministru rasik mak sei tau fatuk dahuluk.

“Primeiru Ministru apresia ho preparativu sira ne’e, no ita husu ba Primeiru Ministru nia disponibilidade atu partispa iha lansamentu fatuk dahuluk ida ne’e,” nia informa.

Lee Mós:
Eleisaun Jeral 2022-2023, Governu Aumenta Sentru Votasaun ba 1.200

Enkuantu lansamentu Primeira Pedra ba edifísiu Biblioteka Nasionál ne’e sei hala’o iha Hudi-Laran iha edifísiu Ministériu Plano no Ordenamentu nia kotuk ho tai medida 27 metru kuadradu.

 1,470 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “SEAK Konvida PM Taur Lansa Edifísiu Biblioteka …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: