ADVERTISEMENT

Lú Olo Simu Pedidu Surumutu ho Koligasaun Foun Lideradu Xanana

Timor Post - Jeral
  • Share

DILI—Prezidente Repúblika Francisco Guterres Lú Olo simu tiha ona karta pedidu sorumutu ho koligasaun foun lideradu Prezidente CNRT, Kayrala Xanana Gusmão, iha Palásiu Prezidensiál Nicolau Lobato, Bairro-pité, Dili.

Fonte kredivel Timor Post, Tersa (03/03/2020) iha Palásiu Prezidensiál haktuir, koligasaun mak hato’o pedidu sorumutu ho prezidente repúblika iha semana kotuk, maibé prezidente repúblika seidauk desidi loron sorumutu nian tanba sei okupadu ho ajenda seluk. Tuir planu sorumutu ne’e sei hala’o iha semana ne’e nia rohan.

ADVERTISEMENT
SCROLL FILA BA NOTISIA


Fonte ne’e dehan, pedidu ne’e la temi kona-ba indijitasaun primeiru ministru foun husi koligasaun foun ne’ebé harii husi partidu CNRT, PD, KHUNTO, UDT/FM ho PUDD.

Lee Mós :
Komunidade Xinez iha Timor Leste Selebra ‘Tinan Laho’ 2020

Entretantu líder máximu husi partidu neen inklui CNRT, PD, KHUNTO, UDT, FM no PUDD asina ona akta koligasaun iha Sede Nasionál Partidu CNRT, Bairro dos Grilhos, Dili, iha loron Sábadu (22/02/2020).

Prezidente CNRT, Kayrala Xanana Gusmão hatete, partidu neen ne’e hatudu iha ona forma ba formasaun governu foun hodi nune’e bele hakotu impase polítika atuál.

Entretantu iha loron Sesta (21/02/2020), Prezidente Repúblika Francisco Guterres Lú Olo, afirma, prontu fó apoiu ba kualkér koligasaun foun ne’ebé forma husi partidu polítiku sira atu forma Governu foun.

Lú Olo dehan, governu foun ne’ebé iha hodi hakat liu impase polítika rai-laran.

“Ha’u hanoin importante maka partidu polítiku sira buka malu ba, depois maka bele fó hatene ba Prezidente Repúblika, kona-ba Governu ida ne’ebé maka sente ba di’ak atu bele lori ita-nia rai ne’e bá-oin. Prontu, Prezidente Repúblika sempre fó apoiu nafatin, atu ita bele ultrapasa krize ida-ne’e, atu bele hadi’a fali ita-nia Governu. Ita hakarak iha governasaun ida-ne’ebé sustentável durante tinan rua ka tolu nia laran, hodi iha fali orsamentu, iha fali programa atubele hala’o dezenvolvimentu”, Lú Olo subliña.

Lee Mós :
Trump and his defenders are inventing the reality they want

Maske nune’e, Sekretáriu Jerál Partidu FRETILIN, Marí Bim Amude Alkatiri afirma, koligasaun foun ne’ebé forma husi CNRT, PD, KHUNTO, UDT/FM no PUDD ne’e sei la moris hodi forma governu dasia.

Alkatiri la fó tan rajaun husi nia deklarasaun ne’e hodi hatete de’it liafuan badak katak sei la moris.

Lee Mós :
Aniceto Rekoñese Aprende Polítika hosi Saudozu Rama Metan

“Sei La Moris,” Alkatiri hatan ba pergunta jornalista sira nian kona-ba pontu de vista ba koligasaun foun ne’ebé lidera husi Prezidente CNRT, Kayrala Xanana Gusmão preparadu ba formasaun governu foun hodi hakotu impase polítika iha rai laran.

Sekretáriu Jerál FRETILIN ne’e ko’alia ho jornalista sira  bainhira partisipa selebrasaun loron veteranu ba datolu iha palásiu Governu, Dili, Tersa (03/03/2020). (cao)

 613 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Lú Olo Simu Pedidu Surumutu ho Koligasaun Foun …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No