ADVERTISEMENT

FM Husu PN Aprova Lei Investigasaun Kriminál Too Final

Timor Post - Nasionál
  • Share
Peskizadór Prinsipál Fundasaun Mahein Abel Amaral. Imajen TP/Beatriz Belo

(Reportajen Beatriz Belo/Asistente Editor Hermenegildo da Costa Tilman)

Dili (Timor Post)—Organizasaun Non Governamentais Fundasaun Mahein, agradese ba Parlamentu Nasionál tanba bele aprova ona Lei Investigasaun kriminál nian, nune’e husu atu nafatin aprova to final.

ADVERTISEMENT
SCROLL FILA BA NOTISIA

“Primeiru lori Fundasaun Mahein nia naran hakarak hato’o parabéns ba Prezidente Parlamentu no distintu deputadu sira iha Parlamentu Nasionál ne’ebe mak aprova ona Lei investigasaun kriminál”. Kestaun ne’e hato’o husi Peskizadór Prinsipál Fundasaun Mahein Abel Amaral ba Jornalista sira iha nia knaar fatin Bairru dos Grilhos Dili, Kuarta (15/06).

Nia hatete, Fundasaun Mahein dezde inisiu sempre ko’alia beibeik katak, aleinde kria instituisaun ne’ebé ho karakter investigasaun, presiza mós lei investigasaun kriminál para atu regula instituisaun ne’ebé mak ho karakter investigasaun diak.

Lee Mós:
Parlamentu Nasionál Konsidera KAK-MP Servisu La Másimu iha Terrenu

“Importante mak ne’e, tanba lei foin mak aprova iha final global, ita hein aprova final husi Konsellu Ministru no depois sei fó sai iha jornál da Repúblika, nune’e ida-idak bele halao nia funsaun ho diak,” dehan nia.

Nia hatete, Fundasaun Mahein dala ida tan agradese tebes, tanba ne’e inisiu susesu ne’ebe mak diak, atu nune’e parte  Polisia Servisu Investigasaun Kriminál (PSIK), Polisia Nasionál Sientífiku Investigasaun Kriminál (PNSIK) ho Komisaun Anti Korrupsaun (KAK), hahú halao sira nia knaar tuir ida-idak nia kompeténsia, no tuir lei ne’ebé mak aprova ona.

Lee Mós:
Orsamentu ba MOP Arpovadu, PM Promete Sei Rezolve Projetu 143

Nia hatutan, tanba, durante ne’e la’ós Fundasaun Mahein mak preokupa, maibé kuaze públiku tomak preokupa tanba banhira mosu kazu ida de’it, maibé parte husi órgaun investigasaun ba  kazu ida ne’ebe hanesan de’it.

”Ita lakohi fó sala ba instituisaun  kriminál, tantu PNTL, PSIK, PNSIK no KAK tanba sira hetan kompeténsia husi estadu, maibé kompeténsia durante ne’e mak la klaru, banhira mosu  kazu ruma, entaun parte ne’ebe mak bele tama, PSIK, PNSIK  no iha parte ne’ebe mak KAK bele halo investigasaun,” dehan nia.

Lee Mós:
TMR Deklara Governu Grande Inkluzaun inklui CNRT no Anunsia Membru Foun Na’in-Neen

Maski nune’e, nia dehan ho lei ida ne’e, Fundasaun Mahein ho públiku fiar katak iha futuru órgaun investigasaun kriminál sira sei halo sira nian funsaun ho diak tuir buat ne’ebe mak hakerek ona iha lei investigasaun kriminál ne’ebe mak hetan ona aprovasaun iha Parlamentu Nasionál. Hakotu (Lee Notísia Seluk Iha Jornál Timor Post/Asesu You Tube Timor Post)

 402 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “FM Husu PN Aprova Lei Investigasaun Kriminál To…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: