Dili (Timor Post)—Komemorasaun Loron Mundial ba Traballadór Doméstika (KLMTD), Prezidente Repúblika, Jose Manuel Ramos Horta, sei valoriza fó protesaun legalidade ba servidór públiku no traballadór doméstiku sira iha nasaun Timor Leste, hodi hetan direitu ba protesaun diak tuir lei ne’ebe iha.
“Ha’u hein rezultadu ba reporter husi komemorasaun ida ne’e, liu husi espesialista, aktivista, ONG Forum Organizasaun Timor-Leste (FONGTIL) no Asosiasaun Doméstiku sira no governu rasik, ha’u hein sira sei halo Lei, no hamutuk ho bankada parlamentu sira, hodi deside Lei tuir desizaun ida rasionál ba traballadór doméstiku sira nia direitu ba servisu”, dehan Prezidente Repúblika, Jose Manuel Ramos Horta, ba Jornalista sira iha Salaun Luz Clarita, Tersa, (15/06).
Prezidente Repúblika hatete, desizaun ne’ebe karik governu foti, tenke hare didi’ak, tanba dala barak hakarak fó vantajen maibé dala balun mós lae, tanba ne’e ita presiza lei ida tratadu hodi próteze ba traballadór sira, tanba dala ruma ita asina tratadu oin-oin maibé laiha dalan ida mak korrespondente ba tratadu sira ne’e, tanba ne’e presiza tratadu tuir lei haruka.
“Protesaun ba traballadór iha TL ha’u seidauk iha kuadru legal ruma ne’ebe sindikatu ba traballadór doméstika sira, maibé atividade sira ne’ebe FONGTIL no ONG seluk sempre ativa hodi defende direitu Sira nian Mai ho desizaun diak, tanba ne’e fiar katak sei iha Lei hodi valoriza direitu traballadór doméstika iha TL.
Nia hato’o, hanesan Prezidente Repúblika, sei la iha autorizasaun ba traballadór Timor oan sira ne’ebe hakarak ba servisu doméstiku iha estranjeiru, maibé hanesan nasaun Inglaterra, Australia, Korea, ne’e iha autorizasaun, tanba iha garantia protesaun ba traballadór sira.
Tuir, diretór FONGTIL, Valentín da Costa Pinto hatete, komemorasaun ba traballadór doméstiku nian iha tinan 2022 ne’e, atu governu TL aprova lalais baze legal ruma hodi proteje diak traballadór doméstika nia direitu.
“Tuir FONGTIL nia hare, traballadór doméstiku laos iha sidade Dili de’it maibé iha munisípiu sira mós iha, no ami rejista iha Dili kuaze atus tolu (300), ne’ebe serbisu ba uma kain sira ka família sira nia uma”, Nia dehan
Husi traballadór doméstika sira ne’e, mak FONGTIL husu ba governu atu hari ‘i lalais baze legal ruma, atu valoriza no fó protesaun diak ba Sira Nia direitu nu’udar traballadór iha rai laran. Nia rekomenda
Iha Fatin hanesan traballadora, Candida Barros hatete, ” moris mak obriga ha’u tenke servisu, hanesan Traballadora ida iha família nia uma, no servisu hanesan, te’in, fase ropa, estrika ropa, rega no kuda ai-funan, hare labarik sira”,
Husi servisu ne’e sente triste, nesesidade moris mak obriga tenke la’o ba buka servisu, dala ruma hetan difikuldade oin-oin, maibé nafatin servisu nu’udar traballadora ida, no saláriu kada anuál simu dolar atus-ida sanulu-resin-lima USD agradese ona. Hakotu (Lee Notísia Seluk Iha Jornál Timor Post/Asesu You Tube Timor Post).
2,070 total views, 3 views today
Bele hare Video Seluk :
Subscribe to Timorpost
