ADVERTISEMENT

SEFOPE Entrega Hikas Mate Isin Joao ba Familia

Timor Post - Jeral
  • Share
SEFOPE entrega hikas matebian João Asunsaun Lukas ba Família. (Imajen TP/Ermelinda)

(Reportajen Estaziada Ermelinda Caet/Asistente Editor Hermenegildo Tilman)

Dili (Timor Post)—Sekretaria Estadu Formasaun Profisionál no Empregu (SEFOPE) liuhusi Diresaun Nasionál Empregu Exterior (DNEE), ohin entrega hikas matebian Joao Asunsaun Lukas hanesan traballadór Timor oan  ne’ebe mate iha Korea do Súl fulan kotuk ba família matebian.

ADVERTISEMENT
SCROLL FILA BA NOTISIA


Diretór DNEE, Filomeno Soares, hatete, em primeiru lugar ha’u lori estrutura tomak SEFOPE ninia naran hahú husi Sekretáriu Estadu SEFOPE no mós direjenti hotu ne’ebe mak hola parte iha prosesu ida ne’e hakarak hato’o ami nia sentidu kondolénsias ba família matebian nian ne’ebe mak lakon ona imi nia oan.

Lee Mós :
DGHPU pede a ocupantes de terrenos do Estado que paguem arrendamento

“Ha’u lori estrutura SEFOPE nian hato’o ami nia sentidu kondolénsias ba família matebian Joao Asunsaun Lukas, liuliu ba alin matebian ninia inan aman ne’ebe mak durante ne’e esforsu makaas hodi hakarak dudu matebian atu hetan mehi ne’ebe mak nia hakarak, maibé to ikus mai hatudu fali ba buat ne’ebe mak agora daudauk ita simu, maibé ida ne’e planu Maromak nian, ita labele halo buat ida so bele simu realidade ne’e mak iha”, Dehan diretór DNEE, Filomeno Soares hateten liuhusi nia mensajen sentidu kondolénsias iha Aeroportu Nikolau Lobato, Segunda (13/06).

SEFOPE entrega hikas matebian João Asunsaun Lukas ba Família. (Imajen TP/Ermelinda)

Nia informa, Hanesan umanu ita tenke simu realidade maski ita lakohi maibé ida ne’e mak realidade ne’ebe iha, no mós ita la iha direitu atu hatán dehan labele, ita reza atu matebian hetan fatin diak no hakmatek iha reinu lalehan.

Lee Mós :
SEFOPE Entrega ona Mate Isin Gracildo ho Florindo ba Família

Iha parte hanesan SEFOPE mós hakarak hato’o agradese boot ba Embaixadór Timor nian iha Korea nia diplomata sira hotu liuliu adidu traballu ne’ebe maka organiza ita nia alin ohin loron mai to’o iha Timor Leste, nia afirma.

Tuir Informasaun ne’ebe mak Timor Post Online asesu iha aeroportu katak matebian João Asunsaun Lukas moris iha Munisípiu Ermera Letefoho iha loron 31 fulan Maiu tinan 1994, nia hahú kursu lian Korea ba programa pestopi iha tinan 2018 to’o 2019, matebian pasa husi ezame siviti hodi rejistu ba sistema pas iha loron 1 fulan Fevereiru tinan 2020, depois  nia  hetan kontratu husi kampaña empregadu Korea do Súl iha tinan 2021 hodi ba servisu iha area fabrika no kontratu ba tinan 3. (Lee Notísia Seluk Iha Timor Post/Asesu Notísia Iha You Tube Timor Post).

 1,463 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “SEFOPE Entrega Hikas Mate Isin Joao ba Familia” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No