(Reportajen Estaziada Beatriz Belo/Asistente Editor Hermenegildo da Costa Tilman)
Dili (Timor Post)—Konsellu Imprensa (KI) hamutuk ho United Nations Development Programme (UNDP) halo lansamentu dahuluk kona ba matadalan bazeia ba Jéneru nian.
Diretór ezekutivu Konsellu Imprensa Rigoberto Monteiro, hatete, iha tinan 2021 KI ho UNDP, konsege asina akordu hodi hakerek kona ba planu ida ne’ e, liu husi programa spotlight nian, tuir loloos lansa iha fulan Dezembru tinan 2021, maibé tanba pandemic entaun foin mak konklui.
“Matadalan bazeia ba jéneru ne’e, iha indika ida ne’ebe mak reflekta Planu asaun Nasionál violénsia bazeia ba jéneru, hodi define media nu’udar album ida hanesan ajente ba prevensaun violénsia bazeia ba jéneru iha Timor Leste”. Dehan Diretór ezekutivu Konsellu Imprensa, Rigoberto Monteiro iha nia diskursu, Segunda (13/06).
Nia dehan, Matadalan violénsia bazeia ba Jéneru ne’e, parte ida husi atividade dezenvolvimentu matadalan nian, ne’ebé mak entrega iha planu estratéjiku iha Konsellu Imprensa nian, hodi enkomenda ba entidade komunikasaun sosiál sira, oinsá atu dezenvolve kódigu kondutu ida ba reportajen jornalista hodi sensivel ba jéneru no mós atu dezenvolve ba monitoriza.
“Tanba ne’e, ami KI sente orgullu tebes ba produsaun dahuluk matadalan ida ne’e, orgullu tanba produsaun matadalan ne’ebé ba asuntu ne’ebé mak delikadu tebe-tebes no sensitivitas tebes sempre hamosu iha diskusaun mosu notísia iha meius kómika saun sosiál,”.
Iha parte hanesan, reprezenta UNDP, Jonianto Monteiro, hanesan Head of Governance Unit, hatete parabéns ba autór na’in-rua ninia dedikasaun hodi produz matadalan ida ne’e, hanesan livru importante ida ba jornalista sira iha sira nia servisu loron-loron bainhira hala’o kobertura, liuliu ba kazu violénsia bazeia ba jéneru.
“Matadalan sira hanesan ne’e sai hanesan, espasu no baze ida hodi fasilita ita nia jornalista nia servisu loron-loron nian, ita iha direitu para asesu ba informasaun, maibé iha prosesu para hetan informasaun liuliu asuntu bazeia ba Janeiru ita presiza iha sensitivitas,”
Tuir Sekretaria Estadu ba Igualdade no Inkluzaun (SEII), Maria Rosário Fátima Correia, hatete primeira vés matadalan ida kona violénsia bazeia ba jéneru.
“Ha’u foin Lee matadalan ida ne’e, ha’u sente matadalan ida ne’e diak tebe-tebes, tanba iha definisaun husi tipu violénsia oin-oin, hanesan violénsia seksuál, violénsia abuzu seksuál no violénsia psikolojia no mós seluk-seluk tan, ida ne’e importante tebes,” Hakotu. (Lee Notísia Seluk Iha Jornál Timor Post/ Asesu You Tube Timor Post).
1,112 total views, 3 views today
Bele hare Video Seluk :
Subscribe to Timorpost
