MESSK : Loloos Ne’e UNTL Maka Tenke Halo Jestaun Di’ak

(Reportajen Jose Mauno/Editor Mateus da Cruz)

DILI— Ministru Ensinu Superior Siénsia no Kultura (MESSK), Longuinhos dos Santos ho Reitór Universidade Nasionál Timor Lorosa’e (UNTL), João Soares Martins, duun malu ba problema universidade nian.

SCROLL FILA BA NOTISIA

Relasiona ho asaun pasifika ne’ebé mak estudante UNTL hala’o iha loron 8 Maiu, reitór UNTL, João Soares Martins sente agradese tanba estudante sira halo asaun ne’e para loke ministériu ensinu superior siénsia no kultura no parlamentu nasionál sira nia matan.

Lee Notisia Relevante : Estudante UNTL Halo Asaun Pasifika Hasoru Universidade

Lee Mós :

Ahi Hán Nélio Restaurante, Celestino: Deskonfia iha Motivu Rua

Ministru ensinu superior siénsia no kultura, Longuinhos dos Santos, dehan, hotu-hotu hatene katak UNTL ne’e autonomia, signifika autonomia ba finanseiru, administrasaun, sientífika no patrimonial. Entaun kestaun fasilidade, jestaun sala ne’e responsabilidade UNTL nian.

“Ha’u horisehik reuniaun ho reitór kona-ba alterasaun dekretu lei rejime karreira, ha’u mós informasaun adisional husi reitór para oinsá mak haree kondisaun ba fakuldade siénsia sosiais nian”, nia dehan ba jornalista sira iha Ministériu Finansas, Ai-tarak Laran, sesta (10/06).

Maibé, nia hatutan, informasaun husi reitór katak, ida ne’e kestaun kona-ba jestaun tempu de’it. Ezemplu dosente hanorin dixiplina ida dadeer tenke la’o tuir, mais balu dadeer ho lokraik hakarak akumula hamutuk sai sala ida mak númeru barak.

Lee Mós :

Lú Olo Manan Mutlak iha Sentru Votasaun Gariuai, Baukau Villa

“Ha’u mós informa ona ba reitór katak akizisaun ba fasilidade iha prosesu tenderizasaun no ida kona-ba sala, ne’e presiza jestaun de’it. Loloos to’o falta de’it oinsá mak atu halo jestaun ho di’ak, ida ne’e mak preokupa uitoan”, nia haktuir.

Nia duvida, iha 2019 UNTL simu estudante foun rihun 9 laiha problema dehan sala sufisiente. Agora iha 2021 simu de’it rihun 5 resin dehan sala la sufisiente.

Lee Mós :

Xefe Suku Orienta Populasaun Hasa’e Bandeira RDTL

“Ita simu estudante basia ba edifísiu ne’ebé mak harii tolu, ida fakuldade medisina sala 18, fakuldade ekonomia no jestaun sala 18, no UNTL sentrál sala 18. Ita asegura prosesu ne’e karik la to’o maka iha alternativu rua, primeiru reitór tau orsamentu iha 2023 no segundu mak sidade universitáriu Aileu”, nia esplika.(Lee Notísia Seluk iha Jornál Timor Post/Asesu You Tube Timor Post)

1,130 total views, 6 views today

Oinsa Ita nia Reaksaun iha Notisia Nee?