ADVERTISEMENT

SEA-USAID Entrega Pasta Rihun 5 ba Eskola Canossa

Mateus da Cruz - Dili
  • Share
Sekretáriu Estadu Ambiente (SEA), Demétrio do Amaral de Carvalho, foto hamutuk ho Dirétora Jerál Canossa, no ekipa husi USAID, iha Eskola Matak Canossa Has-Laran. Imajen Esp.

(Reportajen Estaziadu Mariano Abi/Asistente Editor Hermenegildo da Costa Tilman)

Dili (Timor Post) –Sekretáriu Estadu Ambiente (SEA), hamutuk ho United States Agency for International Development (USAID), liu husi programa Tourism For All entrega pasta bio-degradavel rihun 5 ba Eskola Canossa.

ADVERTISEMENT
SCROLL FILA BA NOTISIA


Sekretáriu Estadu Ambiente (SEA), Demétrio do Amaral de Carvalho, hatete, durante ne’e, Governu Timor-Leste liu husi parseria ho USAID servisu hamutuk ho eskola sira inklui Eskola Canossa, atu enkoraja estudante no inan-aman sira, hodi kuidadu sira nia ambiente liu husi kuda ai oan, no halo resiklajen ba material uzadu sira, hodi bele utiliza fila-fali.

Lee Mós :
Mate Isin Joven Na’in Rua Lori Ona Ba Oe-kusi

“Atividade ida ohin ne’e, SEA serbisu hamutuk ho USAID liu husi programa Tourism For All, ne’ebé sira produs saku rihun 5 atu fahe ba estudante sira, hodi kombate plástiku, hodi hanorin estudante sira atu utiliza material resiklajen sira, hamenus sira nia dependénsia ba bee mineral ne’ebé mak produs plástiku sira,” nia dehan iha Eskola Canossa Has-Laran.

Nia hatete, atividade ne’e hanesan intervensaun ki’ik oan ne’ebé estudante husi Canossa bele utiliza, ne’ebé SEA mós hahú ho Programa Eskola Verde iha Canossa, hamutuk ho Diresaun Nasionál Sentru Edukasaun Informasaun Ambientál, ne’ebé sei halo intervensaun ho hanorin estudante sira kona-ba oinsá atu halo resiklajen, no transforma loloos hodi sai eskola ne’ebé matak no admiravel ba ema hotu.

Lee Mós :
Família Lakohi Halo Autopsia Ba SGS Nia Tara an

“Ida ne’e programa boot Governu ninian, atu kombate no elimina plástiku. Total eskola verde ne’e iha neen (6), ne’ebé ami asiste hodi halo transformasaun ambientál eskola ninian, tuir relatóriu iha online iha Facebook SEA ninian, nune’e ita espera públiku bele asesu informasaun sira ne’e,” nia afirma.

Iha fatin hanesan, Diretora Jerál Canossa, Maria Arvenia Martins Barreto, hatete, ohin simu pasta Bio-degradavel, hamutuk rihun 5, ne’e projetu ne’ebé mak diak ba eskola no estudante Canossa atu nune’e ba oin bele serbisu hamutuk ba meu Ambiente.

Lee Mós :
Emiliano Manán Périmu Karreta Ida Husi Mie Sedap 2023

“Ohin eskola ne’e, simu saku hamutuk rihun 5, hanesan uluk fó ona kantíl ba bee nian, ne’e projetu ne’ebé mak diak ba Canossa atu nune’e ba oin bele serbisu hamutuk ba meu Ambiente ne’ebé moos, no mós eskola ne’e atu bele sai matak, entaun sira fornese ba profesór sira no mós inan-aman Sira,” nia hakotu. (Lee Notísia Seluk Iha Jornál Timor Post/ Asesu You Tube Timor Post)

 867 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “SEA-USAID Entrega Pasta Rihun 5 ba Eskola Canossa” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No