(Reportajen Jaime Pires/Editor Mateus da Cruz)
DILI (Timor Post)- Ministra Negósiu Estranjeiru no Kooperasaun (MNEK), tenke orienta Embaixadór sira lobi investor sira husi nasaun seluk hodi mai investe iha Timor-Leste (TL), hodi bele rekopera ekonomia.
Deklarasaun ne’e hato’o husi Deputadu husi bankada KHUNTO, Antonio Verdial liu husi Plenaria, Segunda (06/06) dadeer ne’e.
“Hanesan reprezentante povu iha Parlamentu Nasionál bankada KHUNTO husu ba governu loiuhusi Ministériu Negósiu Estranjeiru no Kooperasaun nune’e orienta embaixadór sira ne’ebé mak akreditadu iha nasaun ne’ebé mak ita iha ba, reprezenta governu hodi husu tulun liuhusi servisu hodi bele dada investor mai investe iha Timor-Leste,” dehan Nia.
Nia subliña, atu nune’e investor sira Estranjeiru bele mai investe iha Timor-Leste hodi bele rekopera lalais ekonomia iha Timor-Leste.
“Ita bolu sira fila-fali mai oinsá ajusta hodi tulun ita nia governu hodi halo promosaun ba investimentu iha rai laran tantu iha rai li’ur hodi oinsá ajuda governu halo rekoperasaun ba ekonomia,” deklara Nia.
Nia hatete, Bankada Khunto sei la tuur nonook de’it maibé sei hare liuhusi observasaun direita no la direita oinsa investimentu ba rai li’ur no iha rai laran.
“Tanba investimentu ema Estranjeiru klaru ema mai kuda ema nia osan rasik, sera ké ita seidauk tau seguransa jurídika ba ema atu mai kuda nia osan iha ita nia Nasaun, tanba ema atu mai investe iha ita nia rai laran presiza seguransa ba sira ne’e importante,” hakotu.
(Lee Notisia seluk iha Jornál Timor Post/Asesu You Tube Timor Post)
711 total views, 3 views today
Bele hare Video Seluk :
Subscribe to Timorpost
