(Reportajen Cardenio Alves/Editor Mateus da Cruz)
DILI (Timor Post)- Komisaun Anti Korrupsaun (CAC-sigla Portugés), servisu hamutuk ho United Nations Office on Drugs and Crime (UNODC), realiza Workshop ho tema “Avaliasaun Risku Korrupsaun iha Aprovizionamentu Setór Saúde iha Timor-Leste”.
“Objetivu husi workshop ne’e hodi halibur parte interesada relevante atu identifika risku korrupsaun sira hodi avalia probabilidade no impaktu potensiál husi kada eskema korrupsaun no sujere asaun mitigasaun, kontrolu no prosesu sira”, dehan Komisáriu Komisaun Anti Korrupsaun, Sergio Hornay, iha Hotel Timor, Segunda, (06/06).
Nia hatete, CAC no UNODC hakarak eventu ida ne’e involve entidade oi-oin tantu husi nasionál no internasionál tanba asuntu Ida ne’e importante tebes ho finalidade Ida atu bele partilla informasaun sira relativamente ba iha servisu sira iha instituisaun estadu.
“Iha Tinan 2020 Ita hasoru situasaun krize saúde públiku internasionál mundiál ne’ebé Timor Leste afetadu ba iha saúde públiku rasik, Tanba ne’e Komisaun Anti Korrupsaun hamutuk ho ministériu saúde buka halo semináriu ba loron tolu iha area temátika estratéjiku liu-liu ba iha impaktu Risku korrupsaun sira iha governasaun liu-liu iha ministériu saúde”, nia haktuir.
Iha instituisaun hotu-hotu ne’ebé KAK halo nia servisu liu-liu iha investigasaun kriminál konserteza esessu Sira ba Ida ne’e maibé Ida ne’e substansiál, KAK lakohi halo pronunsia saun iha ne’ebá iha nafatin segredu justisa segredu profisionál akuzasaun sira ne’e bele publika baihira la’o ona iha Tribunal.
Nia afirma, dalabarak iha aprovizionamentu kontrata saun sai hanesan alvu Ida, ne’e la’ós problema iha ita nia rai laran de’it maibé kuaze iha país hotu-hotu, tanba pandemia Covid-19. Tanba ne’e governu ka estadu tenke prudente atu bele prenxe ka hatán ba preokupasaun.
Tanba dala ruma regulamenta sira ne’ebé mak iha la bele hatán ba situasaun urjente sira entaun presiza ema sira halo servisu iha aprovizionamentu atu sira iha jestaun haree orsamentu tenke halo servisu estra ordináriu .
“Servisu sira ne’e hotu presiza koordenasaun integradu sistemátiku atu nune’e bele hasees efeitu sira ba iha irregularidade no bele lori ba iha pratika sira abuzu podér iha mal-Administrasaun no uza rekursu sira, la’ós apropriadu hodi bele benefisia nia benefisiáriu sira, liu-liu sidadaun nia interese atu hetan direitu ba iha asisténsia sira ne’e,”nia dehan.
KAK mós halo kooperasaun ida ho UNODC hodi halo semináriu sira hanesan nasionál internasionál hodi bele troka hanoin sira atu halibur ba Timor oan sira halo prevensaun ba aktu ilegál sira.(Lee notisia seluk iha Timor Post/Asesu You Tube Timor post)
753 total views, 3 views today
Bele hare Video Seluk :