ADVERTISEMENT

PR Horta Haksolok Hamutuk ho Labarik Barak iha Palásiu Prezidensiál

Mateus da Cruz - Dili
  • Share
Prezidente Republika Jose Ramos Horta hamutuk ho labarik sira festeza loron mundial labarik iha Palasiu Prezidensial Bairopite, Kuarta ne'e.

(Reportajen Estaziadu Mariano Abi/Editor Mateus da Cruz)

Dili (Timor Post) – Palásiu Prezidensiál ohin loro kraik nakonu ho prezensa labarik barak ne’ebé mai hosi Dili laran hodi festeza loron mundiál labarik hamutuk ho Premiadu Nobel da Pas atuál Prezidente Repúblika José Ramos Horta.

ADVERTISEMENT
SCROLL FILA BA NOTISIA


Loron ohin nian 01 fulan Junu, hanesan loron importante ba labarik sira iha mundu. Prezidente Repúblika (PR), Jose Ramos Horta, hatete, ohin loron Internasionál Labarik sira nian, eventu prinsipál boot, United Nations Children’s Fund (UNICEF sigla ingles), ho Governu sira hala’o iha Lospalos, entaun Prezidente hala’o iha ne’e, diretamente ho Labarik sira.

“Prezidente organiza buat balu, liu-liu maka ai-fuan halo parte ba perturbasaun ita nia labarik sira tenke Han ai-fuan, tanba iha ámbitu metrotunu aat loos, nune’e ho ai-fuan sira ne’e, atu bele han di’ak ba saúde, la’ós ne’e de’it, foin daudaun ha’u ba vizita ita nia rezidénsia Armazein livru lubuk ida iha ne’ebá, nunka fahe, dezde tinan 10 liu tan ona, Ha’u Tama hare iha ne’ebá, entaun ita fahe livru Sira hanesan ne’e ba labarik, atu bele hatene istória sira ne’e,” nia Informa hafoin remata komemorasaun ne’e.

Lee Mós :
Austrália Ajuda Governu Timor-Leste Rezolve Problema Liña Internet

“Ema balu ko’alia kona-ba Traballu Infantil, mais hau hatene Traballu Infantil maka saida, tanba ha’u Prezidente ba grupu internasionál ida naran, Premiu Nobel, Lider Globais no Livre Mundial ba diretu labarik sira nian. Hau mak Prezidente hamutuk Premiu Nobel India nian, Thailand nian, nune’e ha’u koñese no hatene kona-ba Traballu Infantil,” nia relata.

Horta hatete, Traballu Infantil iha nasaun dezenvolvidu sira ne’e, todan teb-tebes, ne’e krimi ida. Mas nia sei tau matan ba ida ne’e, sei labarik sira kuandu fa’an manu-tolun ou fa’an buat seluk ne’e la’os todan, sira ajuda iha Uma, mais ida ne’e hanesan eskola ida ba sira, tanba sira sei ki’ik, maibé aprende ona bisnis.

“Agora ita sei hare, oinsá mak tulun labarik fa’an manu-tolun ne’e, no oinsá maka bele ajuda sira atu halo bisnis. Nune’e ha’u hakarak haree kabarik businessman, portantu iha Amérika, labarik ho idade 9 no 11 sai milionáriu tiha ona, agora dezde sei ki’ik, ita buka atu apoiu labarik sira ne’e, atu bele hatene bisnis,” nia afirma.

Lee Mós :
Xanana Hulan Apoiu Umanitária ba Vítima Dezastre Naturál iha Aldeia Lesibutak

Nia sublina, mais ohin sira nia loron, atu lembra de’it ba Governu no ba mundu, atu oinsa tau matan liu tan ba labarik sira, tanba krize Mundial ne’e impaktu boot ba hotu-hotu iha mundu, poor liu maka ba labarik sira komesa la ba eskola, ho ida ne’e, familia lubuk ida, hapara sira nia oan husi estudu hodi ba serbisu ba Uma laran, tanba familia mós laiha ona osan, ne’e maka krize internasionál.

“Entaun Ha’u ko’alia ona ho UNCEF, Nasoins Unidas, no Governu katak, iha Rai ida ne’e, ita la bele permite, portantu ita laiha osan, nune’e ba labarik oan sira bele hamlaha, ne’e mak ita labele husik,” Nia dehan.

Lee Mós :
PM Taur Husu Atleta Sira Hatudu Rezultadu Di'ak ba Nasaun

Nune’e, Prezidente Repúblika (PR), Jose Ramos Horta, kontinua dialogu ho UNICEF, nune’e mós nia halo planu diak, hatudu ona ba Prezidente Repúblika (PR), Jose Ramos Horta, ko’alia ho Embaixada Australia, Korea, China no parseiru sira hotu, ko’alia kona ba oinsá atu hadi’ak Edukasaun ba labarik sira, no Merenda Eskolár, nune’e Prezidente prepara daudaun ona.

“Ne’e hanesan kompromisu ba Prezidente nian ba Governu, tanba Governu la Konsege rezolve problema hotu-hotu, entaun Prezidente tenke halo buat ruma, atu tulun mós Estadu no Labarik oan sira, tanba ne’e mak ohin loron espesiál ida ne’e, ha’u ho Labarik sira iha fatin ne’e,” nia hakotu. (Lee Notísia Seluk Iha Jornál Timor Post/ Asesu You Tube Timor Post).

 826 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PR Horta Haksolok Hamutuk ho Labarik Barak iha …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No