ADVERTISEMENT

PN Aprova Votu Kongratulasaun ba Don Virgílio

Mateus da Cruz - Dili · Nasionál
  • Share
Arsebispu Arkidioseze Metropolitana Dili, Don Virgílio do Carmo da Silva, SDB. Imajen Doc TP

DILI—Liu hosi plenária Ohin, Segunda, (30/5), Parlamentu Nasionál, aprova votu kongratulasaun ba Arsebispu Arkidioseze Metropolitana Dili, Don Virgílio do Carmo da Silva, SDB ne’ebé Papa Francisco nomeia ba kardeál dahuluk iha Timor Leste.

“Ohin ita iha parlamentu nasionál husi deputadu sira hotu ita fó  ita nia votu kongratula ba ita nia Arsebispu Don Virgílio do Carmo da Silva  nomeia ona kardinál sai bibi atan ba sara tomak iha Timor-Leste”, dehan Prezidente Parlamentu Nasionál Aniceto Longuinhos Guterres Lopes, iha sesaun plenária Parlamentu Nasionál Segunda, (30/04).

ADVERTISEMENT
SCROLL FILA BA NOTISIA

Iha votasaun ne’e númeru 14/2022, total votu ne’e a favór  51  kontra Zero,  abstensaun mós Zero votu númeru 14/2022 aprova.

Deputadu Bankada Frente revolusionáriu Timorese independénsia (FRETILIN), Antonino Bianco, hatete, nia parte agradese ba maromak  ninia espíritu santu tanba hili ona Bispu sai Kardeal ba dahuluk iha Timor Leste.

“Ha’u hanoin horisehik ita nia na’i Jesus sa’e ba lalehan, espíritu santu tun mai iha Timor-Leste, hodi hili ita nia amu Bispu sai Kardinál Tanba ne’e tuir nia hanesan deputadu, agradese ba maromak, tanba Timoroan ida sai ona bibi atan di’ak ida ba rai doben Timor-Leste, no Timoroan sira  tenke banati tuir Jesus Kristu nia dalan  loos ba moris iha mundu no moris mundu rohan laek nian”,  Antonino Bianco hatete

Lee Mós:
MESSK Espera UCT Sei Marka Diferente ho Universidade Seluk

Iha fatin bankada Partidu Demokrátiku deputadu Antonio da Conceição “Kalohan” hatete, nia parte orgullu tanba loron horisehik ne’e loron istóriku tebes duni ba mós istóriku Timor nian.

“Ha’u hanoin mós parlamentu nasionál liuhusi prezidente nia papél foin daudauk ne’e importante tebetebes, kuandu ita fó votu a favór ba livru ida ne’ebé maka parlamentu nasionál sensible tebes duni ba onra ita nia espíritu katólika nian ba Timor fraternidade umanu ninian”, Kalohan hatete.

Nune’e mós Bankada partidu Uniaun Demokrátiku Timorese, deputadu Francisco David Carlos, hatete, nia parte lori UDT nia naran hakarak hato’o sira nia votu kongratulassaun, ba Dom Virgílio hetan ona nomeiasaun hodi sai Kardinál.

Lee Mós:
SEII-ONU-KOICA Diskute Reforsa Projetu HI

Tuir fali bankada Partidu Frente Mundansa liu hosi husi Deputada Izabél Ximenes hatete, lori frente Mudansa nia naran hato’o votu kongratulasun ba arsebispu ne’ebé hili ona hodi sai kardinál ba  Timor-Leste.

“Ha’u nia votu no parabéns ba Igreja katólika ba iha Timor laran tomak, ba família Salezianu espesiál, no mós  ami nia votu susesu ba kardinál Dom Virgílio do Carmo hodi bele sai nafatin bibi atan ita sarani iha Timor laran tomak”  nia hatete.

Alende ne’e mós bankada Kongresu Nasionál Rekonstrusaun Timorese(CNRT-Sigla Portugés), deputadu Duarte Nunes, hatete iha nia hanoin povu iha Timor laran Tomak,  kontente  tanba hetan timoroan ida ne’ebé ke iha priviléjiu no iha kapasidade, atu hetan nomeiasaun ba kardinál ba Timor-Leste tomak.

“Bankada CNRT hamutuk ho militante sira hato’o kongratulasaun, ba Arsebispu Dom Virgílio, tanba hetan fiar husi Vatikanu atu sai kardinál ba iha Timor-Leste.

Lee Mós:
Loron Daruak Tensaun iha Plenária PN: Meza Rahun, Polísia Halo ona Intervensaun

Iha fatin hanesan Bankada  KHUNTO, deputada Olinda Guterres hatete , haensan reprezentante povu iha uma fukun parlamentu nasionál husi bankada deklara ba plenária katak orgullu boot tanba sarani katóliku iha Timor-Leste.

“Foin  primeira vés ita hetan marka istória ida, maski ita nia nasaun ne’e  foin ukun an ba tinan ruanulu  maibé Santa sé, koñese tebes timor  ba relijiaun katólika” nia dehan.

Tanba ne’e bankada KHUNTO, hato’o fé lisita no parabéns  ba primeira Kardinál Timor-Leste,  no parabéns ba família Salezianu  Dom Bosco no sari iha Timor-Laran tomak. (Lee Notísia Seluk Iha Jornál Timor Post/ Asesu You Tube Timor Post)

 189 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PN Aprova Votu Kongratulasaun ba Don Virgílio” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: