ADVERTISEMENT

FRETILIN Realiza Reuniaun Alargada Ko’alia Tranzisaun Lideransa

Mateus da Cruz - Dili
  • Share
Enkontru alargada, Imajen FB

(Reportajen José Caet/Editor Mateus da Cruz)

DILI-Partidu Frente Revolusionáriu Independente Timor-Leste (FRETILIN), realiza reuniaun alargada ba tranzisaun lideransa nian.

ADVERTISEMENT
SCROLL FILA BA NOTISIA


Sorumutu ne’e, nu’udar reuniaun dahuluk lidera hosi Prezidente Partidu FRETILIN, Francisco Guterres ‘Lú Olo’, ne’ebé fila hikas mai Komite Sentral FRETILIN nu’udar prezidente partidu FRETILIN.

“Iha nia (Lú Olo) ninia intervensaun katak komite sentral Fretilin halibur, atu ko’alia tranzisaun lideransa Fretilin, ita atu haree forma lejitimidade ne’ebé mak Fretilin atu opta ba halo prosesu ida ne’e atu la’o ba Oin”, Timor Post asesu intervensaun ne’e iha grupu eis Prezidente Repúblika ne’ebé hala’o reiuniaun alargada iha Kanosa Has Laran, Sábadu (29/05).

Iha fatin hanesan, Sekretariu Jerál FRETILIN Mari Bin Amude Alkatiri, hatete iha ninia intervensaun katak FRETILIN ninia prosesu eleisaun ba lideransa FRETILIN nian hala’o ona liu husi maneira oinoin, hanesan eleisaun iha kongresu no eleisaun direita.

Lee Mós :
STAE Munisípiu Dili Prepara Namanas Pakotamentu Material Eleisaun

“Iha kongresu nasional Fretilin tinan 2006, ita deside hodi halo desizaun atu hili lideransa máximu FRETILIN nian ho brasu. Ita halo ida ne’e iha konjuntura no kontextu polítika ida”, nia esplika.

Alkatiri hatutan, hafoin too tinan 2011 deside hodi hala’o eleisaun direita ba hili lideransa FRETILIN, iha konjuntura no kontextu oinseluk ida. Ohin loron, iha konjuntura no kontextu polítika ne’ebé mak differente mós.

Iha sorumutu ne’e partisipa mós kamarada Lere Anan Timur, membru segunda Jerasaun Komité Sentral FRETILIN, ne’ebé partisipa iha reuniaun nu’udár konvidadu espesial.

Alende ne’e mós intervensaun hosi kamarada Lere Anan Timur, informa ba membru komite sentral no konvidadu sira ne’ebé prezente atu “konta mós ho ha’u, hamutuk ho maun Sekretariu Jeral, Prezidente Partidu, ita sei servisu atu halo bo’ot liu tan FRETILIN”.

Iha sorumutu ida ne’e, Komite Central FRETILIN rona mós aprezentasaun ida husi Komisaun Nasional Preparasaun no Organizasaun (KNPO) kona-ba sondajen interna ida relasiona ho eleisaun ba lideransa FRETILIN, progresu serbisu tékniku no polítiku sira ne’ebé mak hala’o ona ba kongresu nasional no eleisaun lideransa FRETILIN nian no mós kalendariu programa no atividade FRETILIN nian ba to’o Kongresu Nasional.

Lee Mós :
Xanana Rekoñese Lider Fahe Malu

Iha loron daruak halo mos sorumutu debate no analize kle’an kona-ba eleisaun prezidensial ronde ruak ne’ebé foin liu ba no situasaun politika atual, hodi hare mós area sira ne’ebé presiza reforsa no hadi’a, hodi bele hakat ba oin forte no unidu liu tan.

Hafoin hala’o análiza profunda no debate ida ne’ebé mak kle’an iha loron 28-29 fulan Maiu, Komite Sentral FRETILIN deside hodi aprova rezolusaun balu, ida kona-ba desizaun konsensual hodi prosede ba eleisaun lideransa partidu ba mandatu tuir mai liuhosi kongresu nasional dalimak.

 

Rezolusaun ida mak atu konvoka no halo ajenda ba kongresu nasional dalimak ba loron 8 to’o 10 fulan Setembru tinan 2022, ho anúnsiu ofisial orgaun sental eleitu ba loron 11 fulan Setembru, loron komemorasaun tinan 48 hosi disolusaun ASDT no kriasaun FRETILIN.

Lee Mós :
Sidadaun Sira Hakat Ilegal ba Hasa’e Sintu iha Atambua, Baku Rahun Sasán iha Sentru Kuarentena

Iha sorumutu ne’e aprova mós rezolusaun seluk tan, inklui ida hodi elojia Presidente Partidu Fretilin Francisco Guterres ‘Lú Olo’ tanba dezempenu ho korajem no sabedoria durante mandatu nu’udár Presidente Republika desde tinan 2017-2022.

Rezolusaun ida seluk hodi kongratula Sekretariu Jeral Mari Alkatiri, ba lideransa ho barani no determinasaun ba partidu FRETILIN durante tinan 5 ikus, ho auzensia temporaria Prezidente Partidu husi atividade partidaria.(Lee Notísia Seluk Iha Timor Post/Asesu You Tube Timor Post)

 908 total views,  12 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “FRETILIN Realiza Reuniaun Alargada Ko’alia Tran…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No