ADVERTISEMENT

Traballadór Timoroan Na’in-41 Ohin Arranka Ona Ba Korea

Mateus da Cruz - Dili · Nasionál
  • Share
Traballadór Timor oan hamutuk nain-41, hafoin asina kontratu foto hamutuk ho Diretór Nasionál Empregu Exterior, Filomeno Soares. Imajen TP/ Cardenio Alves

(Reportajen Cardenio Alves/Asistente Editor Hermenegildo da Costa Tilman)

Dili (Timor Post)–Sekretária Estadu Formasaun Profisionál no Empregu (SEFOPE) liu husi Diresaun Nasionál  Empregu Exterior (DNEE), asina kontratu ho traballadór timoroan hamutuk 41 atu ba servisu iha Korea do Súl iha loron 26 fulan ida ne’e.

ADVERTISEMENT
SCROLL FILA BA NOTISIA

Diretór Nasionál Empregu Exterior, Filomeno Soares, hatete, Traballadór sira ne’ebé asina deklarasaun hamutuk ho família ne’e nain-41 mesak mane deit no traballadór sira orasida sei tama kuarentena kalan ida pois arranka iha dia 26 fulan ida ne’e.

“Objetivu loron ida ohin hatudu mai ita katak ita hotu-hotu hakarak servisu hamutuk iha ne’e husi família no parte governu ne’ebe mak reprezenta Sekretáriu estadu hodi sai sasin ba ita”. Nia dehan ba jornalista sira iha salaun Hotel Timor Lodge, Dili Kuarta, (25/05).

Lee Mós:
Impaktu husi Atake COVID-19, Timor Leste Lakon Fundu Minarai Biliaun $1.8 iha Investimentu Asaun

Nia hatutan, oinsá mak ita boot sira mai iha ne’e atu bele hetan aseitasaun ida para bele husi parte governu bele hatene katak ita boot sira prontu ona atu husik ona ita boot sira nia família hodi ba servisu iha Korea.

“Akordu ne’e tenke iha dunik husi parte governu no família antes traballadór sira atu arranka ba Korea, atu nune’e bainhira mosu problema parte rua ne’e nafatin toma responsabilidade hamutuk”, nia dehan

Lee Mós:
Traballadór 46 Asina Tan Kontratu Ba Austrália

Nia hatutan, husi asina deklarasaun hamutuk para bele kesi ita katak governu iha responsabilidade 50% ba ida ne’e família mós iha responsabilidade 50%.

Nia dehan, traballadór sira ne’ebe mak atu ba ne’e tuir kursu fulan 6 nia laran pois teste hotu liu prosesu naruk sira hein to’o kontratu mai ohin loron bele hetan oportunidade ba ida ne’e atu ba servisu iha Korea do Súl.

“Total númeru ne’ebe ita hare komesa iha 2000 to’o agora traballadór ne’ebe hetan oportunidade ba iha Korea hamutuk 4.457 pesoa mak tama ona ba Korea, númeru ne’ebe mak agora daudaun komesa tinan  ba tinan sempre aumenta ba beibeik, Validasaun iha tinan ba 2022 husi Janeiru até Maiu ita konsege atinji ona 520 pesoa mak agora tama ona ba Korea .” Nia hakotu. (Lee Notísia Seluk Iha Jornál Timor Post/Asesu You Tube Timor Post)

 147 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Traballadór Timoroan Na’in-41 Ohin Arrank…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: