DILI (Timor Post)- Membru Polisia Nasional Timor-Leste husi Unidade Korpu Seguransa Pesoál (CSP) ho naran inisiál (SB) ba deskansa no mate iha hotel Lonxieng laran iha Delta 2 Suku Komoro Postu Administrativu Dom Aleixo Munisípiu Dili.
Tuir informasaun ne’ebé Timor Post rekolla husi staff ne’ebé servisu iha hotel refere katak nia mai deskansa iha hotel.
“Nia mai ohin meiudia tama iha hotel ne’e kala jam 12 hanesan ne’e pas nia tama mai ne’e ha’u nia kolega mak atende no hatudu fatin ba sira,” dehan Staff HOTEL Lonxieng ida ba Jornalista sira iha Delta 2 Komoro, kuarta (25/05).
Nia haktuir, katak matebian mai ho feto ida, hodi mai deskansa iha Hotel nune’e ikus mai matebian hakotu iis iha Hotel laran.
“Nia mai ne’e ho feto nia iha Video ne’e, ne’ebé ema hotu haree ne’e,” nia haktuir.
Matebian husi Munisípiu Maliana daudaun ne’e nu’udar membru polísia iha Unidade CSP ne’ebé seguransa iha Área Parlamentu Nasionál.
Daudaun ne’e karreta Forensic husi Polísia Nasionál Timor-Leste lori ona bá Hospital Nasionál Guido Valadares hodi halo Autópsia.(Lee Notísia Seluk Iha Jornál Timor Post/ Asesu You Tube Timor Post)
951 total views, 3 views today
Bele hare Video Seluk :