ADVERTISEMENT

SEII Halo Revizaun PAN-VBG ba Datoluk

Mateus da Cruz - Dili · Nasionál
  • Share
Sekretária Estadu ba Igualdade no Inkluzaun (SEII), Maria do Rosário Fatima Correia

(Reportajen Estaziadu Mariano Abi/Asistente Editor Hermenegildo da Costa Tilman)

Dili (Timor Post) – Revizaun períodu datoluk ba ezbosu Planu Asaun Nasionál, Violénsia Bazeia ba Jéneru (PAN-VBJ) ho objetivu atu halo prevensaun no monitorizasaun no avaliasaun ba vítima VBJ.

ADVERTISEMENT
SCROLL FILA BA NOTISIA

Sekretária Estadu ba Igualdade no Inkluzaun (SEII), Maria do Rosário Fatima Correia, hatete, SEII halo avaliasaun ba iha PAN-VBJ ba iha revizaun datoluk nian, ba períodu tinan sanulu (10) nian.

“Uluk kada tinan lima ita halo revizaun, maibé ezbosu ida ne’e, atu halo ba tinan 10 nian, tuir PAN-VBG ne’e hare ba iha pilares tolu, maibé ha’u foka de’it ba pilares ida mak, prevensaun, asuntu sosiais no asisténsia legal, hodi asegura no akompaña vítima VBJ ba iha susesu, ida ne’e important,” nia dehan ba Jornalista sira iha Delta Nova.

Lee Mós:
Polísia Kaptura Membru KORK Na’in-66 no Duni Tuir Funsionáriu no Xefe Aldeia Ida iha Manufahi

Nia hatutan, antes ne’e iha PAN VBJ ne’e iha pillars haat, maibé atu a borda ho pilares tolu ne’ebé iha ona, kada pillar ida halo kedas prevensaun no monitorizasaun no avaliasaun ba vítima VBJ.

SEII nia objetivu oinsá mak atu hakbi’it feto sira iha area ekonomia nian, no mós halo prevensaun ba iha kazu violénsia bazeia ba jéneru, ne’ebé kontra feto no labarik feto sira, inklui oinsá mós, atu hasa’e partisipasaun feto iha vida polítika, atu foti desizaun iha nivel nasionál no munisipál.

Lee Mós:
Aban, CNRT Diskuti Assuntu Haat inklui Preparasaun ba ElPrez

“Ami hare katak, daudaun ne’e, hahú ho kazu violénsia doméstika nafatin ho númeru aas, SEII sei nafatin halo esforsu maka’as, atu bele iha Lei kona ba kontra violénsia doméstika, ne’ebé mak ho definisaun krime públiku,” nia tenik.

Nia informa, bainhira iha kazu doméstika ou kazu violénsia bazeia ba jéneru, ne’ebé hasoru feto no labarik feto sira, entaun sira iha direitu atu bele hato’o keixa, bainhira kazu ne’e akontese iha kontestu nia laran.

Lee Mós:
Oan Soru: Sidauk Verifika Dadus Veteranu Hamutuk 124,600

Enkuantu, sekretáriu ne’e husu ba Sosiedade Sivíl sira ne’ebe fó apoiu ba SEII, hodi reforsa PAN-VBJ atu servisu hamutuk hodi bele redús siklu violénsia doméstika ne’ebé durante ne’e númeru kontinua aas ba beibeik. (Lee Notísia Seluk Iha Jornál Timor Post/ Asesu You Tube Timor Post)

 423 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “SEII Halo Revizaun PAN-VBG ba Datoluk” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: