(Reportajen Estaziadu Beatris Belo/Editor Mateus da Cruz)
DILI— Timor-Leste sei halo serimónia importante rua, mak iha Kinta (19/05) kalan Investidura ba PR eleitu Jose Ramos Horta iha Tasi-Tolu no iha Sesta (20/05) komemorasaun loron Restaurasaun Independénsia Timor-Leste ba dala 20, ne’ebé partisipa mós husi bainaka espesial nasaun seluk nia, nune’e Polisia Nasionál Timor-Leste husu ba sidadaun hotu atu hatudu kontribui ba pas no estabilidade.
“Komandu Dili apelu ba komunidade tomak iha kapitál Dili, para ita tuir dalan neebe mak los no tuir regra para la’o los, no hatudu ita nia imajen ba nasaun sira seluk-seluk neebe mak mai asiste seremonia iha loron rua nian, para buat hotu la’o di’ak iha ita nia rai Timor leste” dehan segundu Komandante PNTL Munisípiu Dili, Superintendente Polisia João S. Pirres, iha Kaikoli, Kinta (19/05).
Nia dehan, movimentu tranporte husi parte Oeste no husi kapitál viajen ba oeste, polisia sei fasilita viajen ba mai hodi kontrola engrafamentu.
“ Komunidade sira hotu tenke respeita regra no kolabora ho Polisia, nune’e viajen durante ámbitu selebrasaun iha loron rua ne’e bele la’o ho di’ak, kuandu ema hotu-hotu tuir lei neebe maka vigora no hotu -hotu respeita lei entaun buat hotu sei la’o di’ak hela,” nia dehan.
” tanba Ita hatuur lei nee los hela, ita la kohi para estraga Timor nia naran, entaun sidadaun sira hotu atu kontribui, la bele mosu instabilidade ruma iha ita rain, oinsá para buat sira ne’e bele la’o di’ak, kontribuisaun komunidade ida idak nian ne’e presiza tebes, para ita hamutuk asegura hela estabilidade iha ita nia rain,” nia hakotu. (Lee Notísia seluk Iha Jornál Timor Post/Asesu You Tube Timor Post)
633 total views, 6 views today
Bele hare Video Seluk :