(Reportajen Cardenio Alves/Asistente Editor Hermenegildo da Costa) Tilman)
Dili (Timor Post)-Amo Papa Francisco hato’o felisitasaun ba Prezidente eleitu ba períudu 2022-2027, José Manuel Ramos-Horta no fó mós parabéns ba povu Timor Leste tomak ne’ebé sei selebra loron restaurasaun independénsia 20 Maiu ba da-XX.
Felisidade Amo Papa Francisco nian ne’e hato’o hosi reprezentante santa se iha Timor Leste, monseñor Marco Sprizzi, bainhira partisipa missa agradesimentu selebrasaun tinan ruanulu (20), ba restaurasaun Independénsia iha Igreja Parókia Katedrál, Vila Verde Kuarta, (18/05).
Tuir Monseñor Marco Sprizzi iha nia diskursu hatete, Santo Padre, Papa Francisco hato’o nia parabens ba Prezidente eleitu no povu Timor Leste ne’ebé selebra Nia restaurasaun Independénsia ba tinan ruanulu Ina depois de hetan notifikasaun rezultadu ikus husi Tribunal Rekursus.
“Papa Frencisco hato’o parabéns ba estadu no nasaun TL, katak Estadu no sidadaun tomak ba êzitu demokrátiku, pasífiku no ba maturidade Estadu ida-ne’e”, Nia sublina
Papa Francisco akompaña situasaun Timor-Leste nian maski nia vizita mai TL seidauk bele realiza, nune’e Santo Padre sente kontente ho maturidade demokrátika ba pas ne’ebe Timor Leste manifesta ba mundu tomak,” Marco dehan.
Tinan ruanulu restaurasaun independénsia lori lisaun barak ba Timor oan sira, atu iha unidade no fraternidade, tanba Timor Leste hanesan nasaun ne’ebé restaura nia independénsia ho brilante. Hakotu (Lee Notisia Seluk iha Jornal Timor Post/Asesu You Tube Timor Post)
1,126 total views, 3 views today
Bele hare Video Seluk :