(Reportajen Jaime Pires/Editor Mateus da Cruz)
DILI (Timor Post)- Hafoin Konsellu Ministru (KM), aprova projetu Dekretu-Lei hodi harii Sekretáriu Estadu foun ida hodi haree ba sidadaun sira ne’ebé mak iha rai li’ur, tuir desizaun kon-ba nomeasaun se maka atu okupa kargu ne’e sei hein desizaun Primeiru Ministru Taur Matan Ruak.
“Ida ne’e kompeténsia tomak iha Primeiru Ministru depois bele husu tanba atu halo nomeasaun ba ema ne’e kompeténsia tomak iha Primeiru Ministru,” dehan Ministru Prezidensiál Konsellu Ministru, Fidelis Manuel Leite Magalhães iha nia servisu fatin Palásiu Governu, Kuarta (18/05).
Lee Notisia Relevante : KM Aprova Estabelese Sekretáriu Estadu Komunidade Timoroan iha Rai Li’ur
Fidelis hatete, nia parte labele ko’alia lai kona-ba ida ne’e, kuandu seidauk simuborentasaun ruma husi Primeiru Ministru Taur Matan Ruak.
“Agora ha’u labele adianta lai buat ida kona-ba ida ne’e a não ser ita simu ona orientasaun ruma ona husi Sua-Exelénsia Primeiru Ministru, maibé ami seidauk simu orientasaun husi nia,” deklara Nia.
Entretantu antes ne’e, iha Segunda, (16/5), Konsellu Ministru (KM), aprova projetu Dekretu-Lei hodi harii Sekretáriu Estadu foun ida hodi haree ba sidadaun sira ne’ebé mak iha rai li’ur hanesan iha Inglaterra, Irlanda do Norte, Austrália, Korea inklui mós Indonézia.
Projetu Dekretu-Lei, ne’e aprezenta husi Primeiru-Ministru, Taur Matan Ruak, kona-ba alterasaun datoluk ba Dekretu-Lei nu. 14/2018, loron 17 fulan Agostu, kona-ba orgánika Governu Konstitusionál VIII no ba alterasaun daruak ba Dekretu-Lei nu. 20/2019, loron 31 fulan Jullu, kona-ba Orgánika Ministériu Negósiu Estranjeiru no Kooperasaun.
Alterasaun ba Dekretu-Lei nu. 14/2018, loron 17 fulan Agostu ida ne’e ho objetivu atu integra iha kompozisaun Governu Konstitusionál VIII, Sekretáriu Estadu Komunidade Timoroan iha Rai Li’ur.
Ho integrasaun Sekretáriu Estadu Komunidade Timoroan iha Rai-Li’ur iha kompozisaun Governu Konstitusionál VIII atu asegura hodi hametin lasu komunidade timoroan iha rai-li’ur ho komunidade nasionál, nune’e mós urjénsia atu asegura mekanizmu ne’ebé efikás liu atu envolve sidadaun ne’ebé hela no serbisu iha rai-li’ur iha prosesu dezenvolvimentu país nian. (Lee Notísia Seluk Iha Jornál Timor Post/ Asesu You Tube Timor Post)
762 total views, 3 views today
Bele hare Video Seluk :