ADVERTISEMENT

Aban, Bainaka VIP Tama Timor Leste

Mateus da Cruz - Dili
  • Share
Vise ministru Estatál, Lino de Jesus Torrezão. Imajen TP/Cardenio Alves

(Reportajen Cardenio Alves/Asistente Editor Hermenegildo da Costa Tilman)

Dili (Timor Post)— Vise Ministru Estatál, Lino de Jesus Torrezão, informa, aban hahú simu bainaka VIP hosi nasaun viziñu sira ne’ebé maka sei partisipa iha serimónia selebrasaun restaurasaun independénsia Timor Leste ba dala 20 no tomada pose ba prezidente repúblika eleitu ba períodu 2022-2027 iha Tasitolu.

ADVERTISEMENT
SCROLL FILA BA NOTISIA


“VIP sira sei tama iha loron aban tanba realizasaun ba investidura tomada de pose iha loron (19/05), ne’ebé sei realiza iha tempu kalan, depois dadeer hahú kedas ho festa restaurasaun independénsia 20 de Maiu nian,” nia hatete iha nia Rezidénsia, Tersa, (17/05).

Lee Mós :
Akizisaun Ró Peska Industrial-Rua Aprovadu

Nia dehan, komisaun organizadora simu ona informasaun fiksu katak governadór jerál Australia no xefe estadu Portugal mós sei partisipa iha eventu ne’e. Iha mós konvidadu sira hosi Comunidade dos Paises da Lingua Portuguesa (CPLP), nasaun  viziñu  Australia, hosi Indonézia sei partisipa hosi Governadór Indonézia, prezidente asembleia Indonézia Puan Maharani no reprezentante Governador Kupang.

Tuir ajenda serimónia investidura tomada de pose sei realiza iha tempu kalan (19/05), depois dadeer hahú kedas ho festa restaurasaun independénsia 20 de Maiu nian.

Tanba Fatin alojamentu ka hotel la permite atu simu konvidadu barak, tanba fatin kiik no kloot,  nune’e hotel rua, Timor Plaza ho Hotel Timor maka sai fatin ba bainaka sira.

Lee Mós :
EKLIPSE SOLAR HÍBRIDU IHA TIMOR LESTE 20 ABRIL 2023

Entretantu, Vise Ministru mos dehan Embaixadór TL Iha Estranjeiru mos sei mai partisipa iha selebrasaun loron istoriku ne’e

“,Ita hanesan sidadaun Timor oan tenke partisipa, tanba ne’e sai hanesan loron istóriku ne’ebe hatudu ba mundu internasionál, katak Timor Leste nasaun ida ne’ebe mak independénsia,”. Hateten husi Vise Ministru Estatál, Lino de Jesus Torrezaun, ba jornalista sira iha nia rezidénsia, Kuarta, (18/05).

Nia informa, kona ba fatin ba embaixadór Timor oan ne’ebé mak mai partisipa atividade serimoniál ne’e, prepara ona.

Lee Mós :
Tribunál Julga Arguidu RGN Soke Mate VCS

Tuir informasaun dala-ruma, Xefe estadu Portugal ho Australia posibilidade ba toba iha Bali, depois mak mai fali Timor Leste hodi partisipa ba festa demokrasia no restaurasaun Independénsia 20 de Maiu nian, tanba fatin atu simu sira ladún seguravel ba sira atu hela. (Reportajen Cardenio Alves/Asistente Editor Hermenegildo da Costa Tilman)

 

 855 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Aban, Bainaka VIP Tama Timor Leste” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No