ADVERTISEMENT

CNC-CPA Asina Akordu Dezenvolve Video Kartún Chega Popular

Mateus da Cruz - Dili
  • Share
CNC-CPA Asina Akordu, Dezenvolve Video Kartún Chega Diretór Ezekutivu CPA, Rui Muakandala, hafoin asina akordu, Edifísiu Centro Chega Antigo Komarka Balidi. Imajen TP/Mariano Abi

(Reportajen Estaziadu Mariano Abi/Asistente Editor Hermenegildo da Costa Tilman)

Dili (Timor Post) – Sentru Nasionál Chega (CNC-Sigla Portugés), ohin asina akordu servisu hamutuk ho Casa Produsaun Audiovisual (CPA), Atu Dezenvolve Video Kartún Chega Popular.

ADVERTISEMENT
SCROLL FILA BA NOTISIA


Diretór Ezekutivu Centro Nasionál Chega (CNC), Hugo Maria Fernandes, hatete, projetu kona-ba Dezenvolve Video Kartún Chega Popular, nu’udar parte ida hosi rekomendasaun iha relatóriu Chega nian ba iha area Edukasaun.

“Ami halo ida ne’e, husi programa Edukasaun formal ho Ministériu Edukasaun, nune’e mós ami buka Parseira sira ne’ebé mak bele apoiu CNC, liu-liu apoiu Governu nia programa, hodi halo fasil relatóriu Chega ne’e atu ema bele hatene”, nia dehan hafoin remata asina akordu servisu hamutuk ho Casa Produsaun Audiovisual (CPA), iha Edifísiu Centro Chega Antigo Komarka Balidi, Segunda (16/05).

Lee Mós :
PLP La Prepara Karreta Tula Eleitores ba Vota Iha Munisípiu

Nia hatete, liu husi parseira CPA fiar katak, produsaun vizuál liu husi audio ho filmajen Kartún bele tulun tebes estudante sira liu-liu sira ne’ebé mak iha eskola Primária no Sekundária, dala ruma mós Universidade sira hodi hatene loloos saida maka relatóriu Chega nia konteúdu.

Programa ida ne’e nu’udar projetu ida oinsá mak atu fornese informasaun ba públiku liu-liu ba estudante  sira iha eskola Primária, Sekundária no mós públiku em jerál, kona-ba konteúdu relatóriu Chega nian.

Lee Mós :
António Armindo Hakarak Inaugura Postu UPF Neen, Molok Mandatu Remata

“Ami hanoin katak, importante mós liu husi produsaun iha relatóriu ne’e iha versaun Kartún liu-liu ba konsumu estudante sira nian, ne’ebé mak dala ruma relatóriu Chega nian todan liu atu lee, iha versaun ne’ebé mak nakonu iha livru ne’e, entaun versaun popular, ida mak transformasaun husi livru ba fali versaun Video atu nune’e, ita nia alin sira no mós públiku em jerál bele entende diak liu tan saida maka konteúdu relatóriu Chega nian,” nia relata.

Entretantu, Diretór Ezekutivu CPA, Rui Muakandala, haktuir, projetu ne’e sira hala’o tiha ona no iha fulan rua ou tolu tan finaliza no bele entrega ona ba CNC.

Lee Mós :
Estádiu Munisipál Dili no Asian Games Sai Prioridade Ba Nélio Izaac

“Entaun ami nia serbisu komesa tiha ona, husi hakerek, no livru ne’ebé fornese husi CNC, nune’e mós iha fulan rua ou tolu hanesan ne’e, ami bele termina ona ami nia rezultadu iha CNC,” nia dehan.

Nia espera katak programa ne’e bele kria sosiedade ne’ebé mak armonia, no respeitu diretu Umanu. (Lee Notísia Seluk Iha Jornál Timor Post/ Asesu You Tube Timor Post)

 639 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “CNC-CPA Asina Akordu Dezenvolve Video Kartún Ch…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No