(Reportajen Cardenio Alves/Asistente Editor Hermenegildo da Costa Tilman)
Dili (Timor Post)—Xefe Unidade Klínika Emerjénsia iha Hospital Nasionál Guido Valadares (HNGV), Lusiana Seleste Amaral, hatete, kazu sira ne’ebé tama emerjénsia mai Hospital Nasionál ne’e presiza atendementu ida lalais tanba relasaun ho ema nia vida.
“Ha’u hakarak hato’o katak departamentu emerjénsia hanesan departamentu ida ne’ebé simu kazu atu atende Kazu ba ema ne’ebé status emerjénsia hanesan moras korasaun ne’ebé bele afeta no halo komplikasaun barak bele hamate ema ho tempu ne’ebé badak”, nia hateten lia hirak ne’e ba jornalista sira iha sala Unidade Klínika Emerjénsia, HNGV, Tersa, (10/05).
Nia dehan, ema nia vida ne’e valor boot liu, tanba ida ne’e mak bainhira iha kazu urjénsia ou status emerjénsia presiza atendementu lalais husi enfermeiru no doutór sira tanba ligadu ho ema nia vida.
“Dala barak mosu fatór barak husi kazu no moras komplikadu hanesan kolesteról, pulmaun, bokur, no ikus rezulta mate, tanba atendementu tarde, ida ne’e presiza servisu makas iha sala emerjénsia nian” nia dehan.
Maneira sira ne’e mak husi parte Unidade Klínika Emerjénsia foti desizaun katak Iha emerjénsia iha kazu ne’ebé barak no dala-ruma la bele salva, tanba tuir teoria ne’ebé ita hatene katak estemi ne’ebé bele hamate ema kada fulan sanulu resin iha 15 to’o 20 minutu.
“Dala barak kauza ne’e ba liu ema ho idade 40 mai kraik tanba relasaun ho hahán obesitas, hare husi parte tes diagnóstiku nian iha kolesteról impaktu husi hahán ka Mina ne’ebé relasaun ho nutrisaun”, nia dehan. (Lee Notísia Seluk Iha Jornál Timor Post/Asesu You Tube Timor Post)
647 total views, 3 views today
Bele hare Video Seluk :